কোকৰাঝাৰ, ১৮ জানুৱাৰী: কোকৰাঝাৰ প্ৰেছ ক্লাৱৰ পুৰণি সমিতি ভংগ কৰি সোমবাৰে এখন নতুন সমিতি গঠন কৰা হয় ৷ কোকৰাঝাৰ প্ৰেছ ক্লাৱৰ প্ৰেক্ষাগৃহত এক সাধৰণ সভাৰ আয়োজন কৰি এই নতুন সমিতিখন গঠন কৰা হয় । প্ৰীতম ব্ৰহ্ম চৌধুৰীৰ সভাপতিত্বত অনুষ্ঠিত উক্ত সভাৰ সৰ্বসন্মতি মৰ্মে জ্যেষ্ঠ সাংবাদিক মনালিছা শৰ্মাক সভানেত্ৰী আৰু হাণ্টিগিৰী নাৰ্জাৰীক সাধাৰণ সম্পাদক হিচাপে লৈ কোকৰাঝাৰ প্ৰেছ ক্লাৱৰ নতুন সমিতিখন গঠন কৰা হয় ৷
২৩ জনীয়া সদস্যৰে দুবছৰীয়া কাৰ্যকালৰ বাবে গঠিত কোকৰাঝাৰ প্ৰেছ ক্লাৱৰ নতুন সমিতিখনত উপসভাপতি হিচাপে মুস্তাফা হুছেইন আৰু কিশোৰ সৰকাৰ, আশোক কুমাৰ বৰ্মনক সহকাৰী সম্পাদক, শুকুৰ আলী আকন্দক সাংগঠনিক সম্পাদক, ৰবি বৰগয়াৰীক আলোচনী সম্পাদক, দুধনাথ সিঙক কাৰ্যলয় সম্পাদক আৰু ৰিনয় বসুমতাৰীক কোষাধ্যক্ষ হিচাপে মনোনীত কৰা হয় ৷