কোকৰাঝাৰ,২২ মাৰ্চ: হাগ্ৰামা মহিলাৰী নেতৃত্বাধীন বিপিএফ দল আৰু হাগ্ৰামা সমৰ্থিত মহাজোঁট বন্ধনৰ বিৰোধিতা কৰিব সদৌ উত্তৰ-পূৰ্বাঞ্চল সংখ্যালঘু ছাত্ৰ সন্থা চমুকৈ নেমছুই ৷ সোমবাৰে কোকৰাঝাৰ প্ৰেছ ক্লাবত এখন সংবাদমেল সম্বোধন কৰি নেমছুৰ কেন্দ্ৰীয় সভাপতি বদৰুল ইছলামে সদৰী কৰে এই কথা ৷ সংবাদমেল সম্বোধন কৰি নেমছুৰ সভাপতি গৰাকীয়ে কয়, বিটিআৰত বিপিএফৰ শাসন কালতেই সংখ্যালঘুসকল বেছিকৈ হাৰাশাস্তিৰ সন্মুখীন হৈছে ৷ গোষ্ঠী সংঘৰ্ষকে ধৰি বিপিএফৰ শাসন কালতে যুৱ ছাত্ৰ নেতা লাফিকুল ইছলাম আহমেদক কোকৰাঝাৰ চহৰৰ মাজ মজিয়াতে হত্যা কৰা হ'ল ৷ কিন্তু আজিলৈকে হত্যাকাৰীক গ্ৰেপ্তাৰ কৰিব নোৱাৰিলে ৷
বিধানসভা নিৰ্বাচনত মহাজোঁট বন্ধনক বিৰোধীতা কৰিব নেমছুই