গোসাইগাঁও,29 মে': গোসাঁইগাঁৱত এ কে-৫৬ ৰাইফল,গুলীসহ গ্ৰেপ্তাৰ দুৰ্ধৰ্ষ এন ডি এফ বি সদস্য ৷ সেনা,আৰক্ষী আৰু চি আৰ পি এফৰ যৌথ অভিযানত আটক হয় এন ডি এফ বি সদস্যজন ৷ গ্ৰেপ্তাৰ হোৱা সদস্যজন অক্সিগুৰি গাঁৱৰ ৰহিতন নাৰ্জাৰী বুলি জানিব পৰা গৈছে ৷
এন ডি এফ বি সদস্যজনৰ পৰা আৰক্ষীয়ে উদ্ধাৰ কৰে এটা ৭'৬৫ পিষ্টল,মেগজিন আৰু ১৫ জাঁই সজীৱ গুলী ৷ অধিক জেৰা চলোৱাৰ পাচতেই এন ডি এফ বি সদস্যজনৰ বাসভৱনৰ পৰা আৰক্ষীয়ে লগতে উদ্ধাৰ কৰে এটা এ কে-৫৬ ৰাইফল,মেগজিন আৰু ২১জাঁই সজীৱ গুলী ৷
আৰক্ষীৰ অভিযানৰ নেতৃত্ব দিয়ে মহকুমা আৰক্ষী বিষয়া বিদ্যুৎ বিকাশ বৰা ভূঞাই ৷ উল্লেখ্য যে,2017 চনতো আৰক্ষীৰ হাতত আটক হৈছিল ৰহিতন নাৰ্জাৰী ৷ কিন্তু কাৰাগাৰৰ পৰা ওলায়েই পুনৰ এন ডি এফ বিত যোগদান কৰিছিল নাৰ্জাৰীয়ে ৷