নতুন দিল্লী, 1 মেঃ বি টি এডিৰ জনজাতি প্ৰধান এলেকা অৰ্থাৎ ট্ৰাইবেল বেল্টত পূৰ্বপ্ৰজন্মৰ পৰা বসবাস কৰি অহা অজনজাতীয় লোকৰ পক্ষত সাংসদ নৱ শৰণীয়া ৷ পূৰ্বৰ দৰেই অজনজাতীয় লোকৰ সুৰক্ষাৰ দাবীৰে সাংসদ নৱ শৰণীয়াই ক'লে, ''প্ৰজন্মৰ পাচত প্ৰজন্ম ধৰি ট্ৰাইবেল বেল্টত বাস কৰি অহা অ-জনজাতীয় লোকৰ ওপৰত যাতে কোনো অত্যাচাৰ কৰা নহয় ৷ আমি জনাত ইয়াত কোনো অবৈধ অনুপ্ৰৱেশকাৰী বেদখলকাৰী নাই ৷ যিসকল আছে পূৰ্বপূৰুষ ধৰি আছে ৷ ট্ৰাইবেল বেল্টৰ আইন প্ৰণয়নৰ সময়ত বহু সুৰুঙা থাকি গৈছে ৷ ৰাজনৈতিক আৰু আইনগতভাৱে অ-জনজাতীয়সকলৰ সুৰক্ষাৰ বাবে যুঁজিবলৈ আমি সাজু ৷ "
অজনজাতীয়ৰ লোকৰ পক্ষত নৱ শৰণীয়াই নৰ্থ ইষ্ট হেৰিটেজ ফাউণ্ডেশ্যনে গুৱাহাটী উচ্চ ন্যায়ালয়ত দাখিল কৰা এক আবেদনৰ কথা উল্লেখ কৰি এই মন্তব্য কৰে নৱ শৰণীয়াই ৷ অসম ভূমি ৰাজহ আৰু অধিনিয়ম আইন 1947ৰ অধীনত জনজাতীয় সুৰক্ষিত অঞ্চলৰ ভূমি বেদখল কৰা লোকসকলক উচ্ছেদৰ দাবী জনাই গুৱাহাটী উচ্চ ন্যায়ালয়ত এই আবেদন জনাইছিল ফাউণ্ডেশ্যনে ৷ বি টি এডিৰ জনজাতীয় সুৰক্ষিত অঞ্চলৰ 4.50 লক্ষ বিঘা ভূমিয়েই অজনজাতীয় সম্প্ৰদায়ৰ লোকে দখল কৰি আছে বুলিও উক্ত আবেদনতে উল্লেখ কৰিছিল সংস্থাটোৱে ৷
উল্লেখ্য যে, 2003 চনত কেন্দ্ৰীয় চৰকাৰ, অসম চৰকাৰ আৰু বিদ্ৰোহী সংগঠন বড়োলেণ্ড লিবাৰেশ্যন টাইগাৰ্ছৰ মাজত হোৱা চুক্তি মৰ্মে কোকৰাঝাৰ,বাক্সা,চিৰাং আৰু ওদালগুৰি জিলাৰে গঠিত বিটিএডিৰ বি টি চিৰ অধীনলৈ আহিছিল ৷
