কোকৰাঝাৰত আৰক্ষীৰ জালত হত্যাকাৰী

মুখীগাঁৱৰ একেটা পৰিয়ালৰে তিনিজনকৈ লোকক নৃশংসভাৱে হত্যা কৰাৰ অভিযোগ শোভানন্দ বৰ্মনৰ বিৰুদ্ধে ৷ অভিযুক্তই ব্যৱহাৰ কৰিছিল লোৰ ৰ’ড আৰু চুৰি

কোকৰাঝাৰ,1 জুলাই : আৰক্ষীৰ জালত কোকৰাঝাৰৰ মুখীগাঁৱত সংঘটিত লোমহৰ্ষক হত্যাকাণ্ডত জড়িত মূল অভিযুক্ত ৷ ধৃত অভিযুক্তগৰাকী কোকৰাঝাৰ জিলাৰ অন্তৰ্গত খেজুৰবাৰীৰ শোভানন্দ বৰ্মন ৷ মুখীগাঁৱৰ একেটা পৰিয়ালৰে তিনিজনকৈ লোকক নৃশংসভাৱে হত্যা কৰাৰ অভিযোগ শোভানন্দ বৰ্মনৰ বিৰুদ্ধে ৷ এয়া এক প্ৰেমজনিত ঘটনাৰ পৰিণতি আছিল আৰু এই হত্যাকাণ্ডত অভিযুক্তই লোৰ ৰ’ড আৰু চুৰি ব্যৱহাৰ কৰিছিল ৷ ইপিনে,উক্ত হত্যাকাণ্ড সংঘটিত কৰা লোৰ ৰ’ডডাল আৰক্ষীয়ে উদ্ধাৰ কৰিবলৈ সক্ষম হৈছে যদিও হেল নদীত পেলাই দিয়া চুৰিখনৰ সন্ধানত অভিযান অব্যাহত ৰখাৰ কথা উল্লেখ কৰে আৰক্ষীয়ে ৷