বিটিএডিৰ 15 গাঁৱত এম্বুলেন্সৰ স্থান লৈছে ঠেলাই

সুচল বাট পথ আৰু এম্বুলেঞ্চ সেৱাৰ অভাৱত কোকৰাঝাৰ জিলাৰ পৰ্বতঝোৰা মহকুমাৰ কাজিগাঁও থানাৰ অন্তৰ্গত, জালপাৰা অঞ্চলৰ প্ৰসৱ বেদনাত ছটফটাই থকা মহিলাক চিকিৎসালয়লৈ নিবলগীয়া হ'ল ঠেলাৰে ।

কোকৰাঝাৰ, 9 মে': প্ৰসৱ বেদনাত ছটফটাই থকা এগৰাকী গৰ্ভৱতী মহিলাক ঠেলাত লৈয়েই চিকিৎসালয় অভিমুখে ৰাওনা হ'ল আত্মীয় । কাৰণ অতি সোনকালে চিকিৎসালয়লৈ নিব লাগে মহিলা গৰাকীক আৰু কুৰ্শাকাটী ক্ষুদ্ৰ প্ৰাথমিক চিকিৎসালয় পাবলৈ অতিক্ৰম কৰিব লাগিব 7 কিল'মিটাৰকৈ পথ । কিয়নো সেই গাঁও খনলৈ নাযায় 108 কিম্বা অন্য এম্বুলেঞ্চ সেৱাও । কাৰণ এটাই । দীৰ্ঘদিন ধৰি তথৈবচ অৱস্থাতে পৰি আছে, কোকৰাঝাৰ জিলাৰ পৰ্বতঝোৰা মহকুমাৰ কাজিগাঁও থানাৰ অন্তৰ্গত জালপাৰা অঞ্চলৰ বাট পথ । লগতে একমাত্ৰ চিকিৎসালয়খনতো নাই কোনো এম্বুলেঞ্চ সেৱা ।

কেৱল এই গাওঁখনেই নহয় । এনেদৰেই 14-15 খনৰ গাঁৱৰ লোকে বহু সময়তে ৰোগী কঢ়িয়াবলৈ ব্যৱহাৰ কৰিছে সাঙি নতুবা ঠেলাগাড়ী । অভিযোগ অনুসৰি, এই পাহাৰীয়া দুৰ্গম অঞ্চলৰ জৰাজীৰ্ণ বাট পথ মেৰামতিৰ বাবে আজিলৈ আগবাঢ়ি অহা নাই কোনো এজন প্ৰতিনিধি । যাৰ বাবে বিভিন্ন সময়ত স্থানীয় লোকসকলে এনেদৰেই ৰেগীক কঢ়িয়াই নিবলগীয়া হয় চিকিৎসালয়লৈ । আনহাতে চিকিৎসাৰ বাবে অসামৰিক চিকিৎসালয়লৈ প্ৰেৰণ কৰিলে ৰোগীক নিবলৈ চিকিৎসায়খনতো নাই কোনো সেৱা ।

লগতে পঢ়কঃনাও : পেটৰ ভাত মুঠিৰ পৰা বানত উটি যোৱা জীৱনলৈ !