কোকৰাঝাৰত দুৰ্বৃত্তৰ গুলীচালনাত আহত ব্যৱসায়ী

কোকৰাঝাৰত পুনৰ আৰম্ভ হৈছে ধন দাবী তথা হিংসাত্মক কাৰ্যকলাপ ৷ সেৰফাংগুৰী থানাৰ অন্তৰ্গত নাৰাবাৰীত ব্যৱসায়ীলৈ গুলীচালনা দুৰ্বৃত্তৰ ৷ দুৰ্বৃত্তৰ গুলীত আহত ব্যৱসায়ীজন (Miscreants shoots a Businessman in Kokrajhar) ৷

কোকৰাঝাৰ, 5 জুন :বিভিন্ন বিদ্ৰোহী সংগঠনে মূলসুঁতিলৈ ঘুৰি অহাৰ পিছতে কিছুদিনৰ বাবে শান্তি পৰিবেশ বিৰাজ কৰা বিটিআৰৰ সদৰ জিলা কোকৰাঝাৰত পুনৰ ধন দাবী তথা হিংসাত্মক কাৰ্যকলাপ সংঘটিত হোৱাৰ কথা জানিিব পৰা হৈছে ৷ জিলাখনৰ সেৰফাংগুৰীত শনিবাৰে নিশা দুৰ্বৃত্তই সংঘটিত কৰে এক গুলীচালনাৰ ঘটনা(Firing in Kokrajhar) ৷ সেৰফাংগুৰী থানাৰ অন্তৰ্গত নাৰাবাৰীত সংঘটিত দুৰ্বৃত্তৰ এই গুলীচালনাত এজন ব্যৱসায়ী গুলীবিদ্ধ হৈ গুৰুতৰভাৱে আহত হয় ৷ গুলীবিদ্ধ ব্যৱসায়ীজন সুনীল মণ্ডল (৪৫) বুলি জানিব পৰা গৈছে (Businessman injured in Kokrajhar) ৷

প্ৰাপ্ত তথ্য অনুসৰি সেৰফাংগুৰী থানাৰ অন্তৰ্গত নাৰাবাৰীত শনিবাৰে নিশা ৮ - ৩০ মান বজাত বাইকত অহা দুজনীয়া দুৰ্বৃত্তৰ দলে গেলামালৰ ব্যৱসায়ী সুনীল মণ্ডলক গুলীচালনা কৰে ৷ গেলামালৰ দোকানত বহি থকা অৱস্থাতে ব্যৱসায়ীজনক লক্ষ্য কৰি গুলীচালনা কৰি নিৰ্বিঘ্নে পলায়ন কৰে বাইকত অহা দুৰ্বৃত্তৰ দলটোৱে ৷ দুৰ্বৃত্তৰ গুলীত বুকুত গুলীবিদ্ধ হৈ গুৰুতৰভাৱে আহত হোৱা ব্যৱসায়ী সুনীল মণ্ডল বঙাইগাঁৱৰ ল‘ৱাৰ আসাম হাস্পতাললৈ প্ৰেৰণ কৰা হয় ৷

জানিব পৰা মতে ব্যৱসায়ীজনক কিছুদিন পূৰ্বে দুই লাখ টকাৰ ধনদাবী কৰা হৈছিল বুলি সংবাদমাধ্যমৰ আগত প্ৰকাশ কৰে তেওঁৰ পুত্ৰই ৷ ইপিনে ঘটনা সংঘটিত হোৱাৰ পাছতে শীৰ্ষ আৰক্ষীৰ দল ঘটনাস্থলীত উপস্থিত হৈ তদন্ত আৰম্ভ কৰাৰ লগতে দুৰ্বৃত্তৰ সন্ধানত অভিযান অব্যাহত ৰখা বুলি জানিব পৰা গৈছে ৷ উক্ত ঘটনাই সমগ্ৰ অঞ্চলটোত সৃষ্টি কৰিছে তীব্ৰ আতংকৰ ৷

লগত চাওক :গুলীচালনাত আহত ড্ৰাগছ ব্যৱসায়ী মোহনলাল: প্ৰমাণ বিনষ্টৰ চেষ্টাৰে ট্ৰাকত অগ্নিসংযোগ