কোকৰাঝাৰত শোকৰ ছাঁ :পথ দুৰ্ঘটনাত প্ৰাণ গ’ল পিতৃ-কন্যাৰ

গুৱাহাটীৰ পৰা আহি থকা অৱস্থাত বাছেৰে মুখামুখি সংঘৰ্ষ ফৰচুনাৰৰ । পেছাত জলসিঞ্চন বিভাগৰ অভিযন্তা আছিল নিহত অজয় বসুমতাৰী । কন্যা উত্তীৰ্ণ হৈছিল এইবাৰৰ আই আই টি প্ৰৱেশ পৰীক্ষাত ।

কোকৰাঝাৰ,13 জুলাইঃ চকুৰ পলকতে নিঃশেষ হৈ গ’ল এটা পৰিয়াল । শুকুৰবাৰে কোকৰাঝাৰ চহৰৰ জনপ্ৰিয় ব্যক্তি অজয় বসুমতাৰী কন্যা নিৰালী বাসুমতাৰীসহ নিহত হয় এক দুৰ্ঘটনাত পতিত হৈ । ঘটনাটোৱে সমগ্ৰ চহৰখনতেই এতিয়া শোকৰ ছাঁ পেলাইছে । মাজনিশা দুয়োৰে নশ্বৰ দেহ আহি পোৱাৰ পাছত পিতৃ-কন্যাক শেষ বাৰলৈ এবাৰ চাবলৈ চহৰখনৰ ৰূপাঠী নগৰত থকা তেখেতৰ বাসগৃহত বহুসংখ্যক শুভাকাংক্ষীয়ে ভিৰ কৰা পৰিলক্ষিত হয় । উল্লেখযোগ্য যে, নিহত অজয় বসুমতাৰী এজন খুব নিকা চৰকাৰী বিষয়া আছিল, কেৱল চৰকাৰী চাকৰিৰে নহয় তাৰ উপৰিও তেখেত কিছু সামাজিক কাম কাজৰ লগতো জড়িত হৈ আছিল । কোকৰাঝাৰ জিলা ক্ৰীড়া সন্থাৰ সাধাৰণ সম্পাদক হিচাপেও দায়িত্ব পালন কৰিছিল বসুমতাৰীয়ে ।