কোকৰাঝাৰত নৱ শৰণীয়াৰ নিৰ্বাচনী প্ৰচাৰ সভা

কোকৰাঝাৰত সাংসদ নৱ কুমাৰ শৰণীয়াই নিৰ্বাচনী প্ৰচাৰ সভাত অংশগ্ৰহণ কৰি অবড়ো লোকৰ বাবে কাম কৰাৰ প্ৰতিশ্ৰুতি দিয়ে ৷

কোকৰাঝাৰ, 14 এপ্ৰিল : দেওবাৰে কোকৰাঝাৰত অনুষ্ঠিত হয় এখন নিৰ্বাচনী প্ৰচাৰ সভা ৷ প্ৰথম পৰ্যায়ৰ নিৰ্বাচন সমাপ্ত হোৱাৰ পাচতেই ৰাজনৈতিক নেতা,দল-সংগঠন সকলো ব্যস্ত হৈ পৰে দ্বিতীয় পৰ্যায়ৰ নিৰ্বাচনৰ বাবে ৷ কোকৰাঝাৰত অনুষ্ঠিত হোৱা নিৰ্বাচনী প্ৰচাৰ সভাত উপস্থিত থাকে সাংসদ নৱ কুমাৰ শৰণীয়া ৷ শৰণীয়াই সভাত প্ৰমোদ বড়োক তীব্ৰভাৱে সমালোচনা কৰি কয় - "প্ৰমোদ বড়োৱে অসমৰ ৰাইজৰ আগত অসম বিভাজন নকৰো বুলি ক্ষমা খোজক" ৷ লগতে বি.টি.এডিত থকা অবড়োসকলৰ ভূমি অধিকাৰ,আৰ্থ সামাজিক অধিকাৰ,চাকৰি অধিকাৰ দিয়াৰ আশ্বাস দিয়াৰ মন্তব্য কৰে ৷

আনহাতে,প্ৰমোদ বড়োৱে ৰাজনীতি বাদ দি বড়ো ৰাইজৰ বাবে ভাল কাম কৰক বুলি দাবি উত্থাপন কৰি অবড়ো লোকসকলৰ সমস্যা সমাধানৰ বাবে সদায় কাম কৰিবলৈ মত প্ৰকাশ কৰে ৷