কোকৰাঝাৰ,20মাৰ্চ: কোকৰাঝাৰ চহৰৰ মোকৰাপাৰাস্থিত এচ.এ.মেমৰিয়েল নামৰ বেচৰকাৰী শিক্ষানুষ্ঠানত বুধবাৰে অনুষ্ঠিত হয় ডি.এল.ই.ডি.ডিপ্লোমা দুবছৰীয়া পাঠ্যক্ৰমৰ বিদায় প্ৰশিক্ষণ কাৰ্যসূচী ৷ এই অনুষ্ঠানত নামনি অসমৰ পাঁচ শতাধিক শিক্ষক শিক্ষয়ত্ৰীৰ লগতে এচ.এ.মেমৰিয়েলৰ শিক্ষাৰ্থীসকল উপস্থিত থাকে ৷
শিক্ষানুষ্ঠানখনত কেন্দ্ৰীয় চৰকাৰৰ মানৱ সম্পদ উন্নয়ন মন্ত্ৰণালয়ৰ নিৰ্দেশত অনুষ্ঠিত হোৱা প্ৰাথমিক শিক্ষাৰ ডি.এল.ই.ডি. (DLED)ৰ ডিপ্ল'মা দুবছৰীয়া পাঠ্যক্ৰমৰ বিদায় প্ৰশিক্ষণৰ সফল সামৰণী হোৱাৰ বাবেই এক সাংস্কৃতিক সমাৰোহৰ কাৰ্যসূচী অনুষ্ঠিত হয়৷ শিক্ষক-শিক্ষয়ত্ৰীসকলৰ বিদায় সমাৰোহৰ সৈতে সংগতি ৰাখি এচ এ মেমোৰিয়েল শিক্ষানুষ্ঠানখনত এখন মুকলি সভাৰো আয়োজন কৰে৷ যত উপস্থিত থাকে বড়োলেণ্ড বিশ্ববিদ্যালয়ৰ পঞ্জীয়ক ড0প্ৰহ্লাদ বসুমতাৰী ৷ বসুমতাৰীয়ে শিক্ষক-শিক্ষয়ত্ৰীসকলক অনাগত দিনত নামনি অসমৰ স্কুল সমূহত তেওঁলোকৰ কৌশল আৰু দক্ষতাৰে নতুন প্ৰজন্মক গঢ় দি সুস্থ সমাজ গঢ়াৰো আহ্বান জনায়৷
