সাম্প্ৰদায়িক সংঘৰ্ষ সূত্ৰপাতৰ অপচেষ্টা দুষ্কৃতিকাৰীৰ

কোকৰাঝাৰ পূজা পাতল কৰা ভূমিক লৈ দুই সম্প্ৰদায়ৰ মাজত মতানৈক্য ৷ ভাতৃত্ববোধ অটুত ৰখাৰ আহ্বান স্থানীয় ৰাইজৰ ৷

কোকৰাঝাৰ , 9 চেপ্তেম্বৰঃ কোকৰাঝাৰত সাম্প্ৰদায়িক সংঘৰ্ষৰ সূত্ৰপাত ৷ দীৰ্ঘদিনৰ পৰা পূজা কৰি অহা ভেঁটি লণ্ড-ভণ্ড কৰাৰ চেষ্টা অন্য ধৰ্মালম্বী লোকৰ ৷ অভিযোগ মতে, কোকৰাঝাৰ সদৰ থানাৰ অন্তৰ্গত ভোটগাঁও প্ৰাথমিক বিদ্যালয়ৰ সন্মুখত দীৰ্ঘদিনৰ পৰা হিন্দু সম্প্ৰদাৰ লোকে সাৰ্বজনীনভাৱে দূৰ্গা পূজা আয়োজন কৰি অহা ভেঁটিত সংখ্যালঘু সম্প্ৰদায়ৰ একাংশ উন্মাদ লোকে লণ্ড-ভণ্ড কৰিবলৈ চেষ্টা কৰে ৷ দেওবাৰে বিয়লি পাঁচ বজাত ভোটগাঁৱৰে চৌকত আলি নামৰ লোকজনৰ নেতৃত্বত ৫জনীয়া দল এটায়ে ভোটগাও প্ৰাথমিক বিদ্যালয়ৰ সমীপত থকা পূজা অনুষ্ঠিত কৰা ঠাইৰ পকী দেৱালখন লোৰ ৰ'ডৰে ভাঙি চূড়মাৰ কৰে ৷ ইমানতে ক্ষান্ত নহৈ সেইখিনি ঠাই হিন্দু সকলৰ পূজা কৰা স্থান নহয় বুলি ভাবুকি দিয়ে ৷ লগে লগে স্থানীয় জনতা ক্ষোভত ফাটি পৰে ৷ ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰে ৷ ৰাইজৰ দাবী, ভোটগাঁৱৰ সাতামপুৰুষীয় ভাতৃত্ববোধ অটুত ৰাখিবলৈ শীঘ্ৰে দোষীক আটক কৰক আৰক্ষীয়ে ৷