গোসাঁইগাঁৱত জব্দ প্ৰায় 15 লাখ টকাৰ চোৰাং কাঠ

কচুগাঁও বন সংমণ্ডলৰ বন কৰ্মীৰ দলে অভিযান চলাই জব্দ কৰিবলৈ সক্ষম হয় চোৰাং কাঠখিনি

কোকৰাঝাৰ,28 মাৰ্চঃ কোকৰাঝাৰ গোসাঁইগাঁও মহকুমাৰ বিভিন্ন অঞ্চলৰ পৰা উদ্ধাৰ বৃহৎ পৰিমাণৰ চোৰাং কাঠ ৷ কচুগাঁও বন সংমণ্ডলৰ বন কৰ্মীৰ দলে অভিযান চলাই জব্দ কৰিবলৈ সক্ষম হয় চোৰাং কাঠখিনি ৷

এখন টাটা মেজিকৰ উপৰিও বহুকেইখন ঠেলাৰ পৰা প্ৰায় 15 লাখ টকাৰ কাঠখিনি জব্দ কৰে বুলি সদৰী কৰে বনবিভাগ কৰ্তৃপক্ষই ৷ লগতে জব্দ কৰা অধিকাংশই শাল কাঠৰ কুণ্ডা বুলিও কয় ৷ অসম ভুটান সীমান্তৱৰ্তী ৰাযমোনা, মইনাবাৰী, তেলীপাৰা আদি কৰি বিভিন্ন অঞ্চলত অভিযান চলাই বন বিভাগে জব্দ কৰা কাঠখিনি শ্ৰীৰামপুৰ আৰু গোসাঁইগাঁও বন সংমণ্ডলৰ কাৰ্যালয়লৈ লৈ যায় ৷