হিমন্ত বিশ্বৰ মতে বিটিচিৰ গাদী দখল কৰিব বিজেপিয়ে

ডিচেম্বৰ মাহত অনুষ্ঠিত হ’ব বিটিচিৰ নিৰ্বাচন । বিজেপিৰ নেতৃত্বতে বিটিচিৰ চৰকাৰ গঠন হ’ব বুলি মন্তব্য হিমন্ত বিশ্ব ।

কোকৰাঝাৰ, 13 অক্টোবৰ : কোকৰাঝাৰত উপস্থিত হৈ মন্ত্ৰী হিমন্ত বিশ্ব শৰ্মাৰ ঘোষণা, ডিচেম্বৰ মাহত অনুষ্ঠিত হ’ব বিটিচিৰ নিৰ্বাচন । বিজেপিৰ নেতৃত্বতে বিটিচিৰ চৰকাৰ গঠন হ’ব বুলি মন্তব্য হিমন্ত বিশ্ব । সকলো আঞ্চলিক দল , নৱগঠিত দল সমুহক একত্ৰিত হ’বলৈ কটাক্ষ হিমন্তৰ । কাৰ্বি আংলং , ডিমা হাছাওৰ দৰে বিটিচিতো বিজেপিৰ নেতৃত্বতে চৰকাৰ গঠন হ’ব ।

মন্ত্ৰীগৰাকীয়ে লগতে কয় যে, পাঁচ বছৰৰ বাবে বিপিএফৰ সতে মিত্ৰতা হৈছিল , পৰৱৰ্তী পাঁচ বছৰ সময় আৰু পৰিৱেশৰ ওপৰত নিৰ্ভৰ কৰিব । বিটিচিৰ নিৰ্বাচনত অকলশৰীয়াকৈ অংশগ্ৰহণ কৰিছে বিজেপিয়ে । বিপিএফৰ একাংশ নেতাই দলত যোগদান কৰিব নে নাই নাজানো কিন্তু যোগাযোগ আছে বুলি কয় হিমন্তই ৷ তেওঁলোকে নিজৰ সিদ্ধান্ত নিজে ঘোষণা কৰা উচিত বুলি উল্লেখ কৰে মন্ত্ৰীগৰাকীয়ে ।
লগতে পঢ়ক :এছ.আই কেলেংকাৰী কেতিয়াও হোৱাই নাছিল: দিলীপ শইকীয়া