বিপিএফ বিজেপি আৰু অগপৰ মাজত আসন বুজাবুজিঃ হাগ্ৰামা

কোকৰাঝাৰ জিলাত নৱনিৰ্মিত ভৱন উদ্বোধন কৰে বিটিচি প্ৰধান হাগ্ৰামা মহিলাৰীয়ে ৷ আনহাতে আগন্তুক নিৰ্বাচনত বিপিএফ, বিজেপি আৰু অগপৰ মিত্ৰতা অব্য়াহত থাকিব বুলি কয় বিটিচি প্ৰধানগৰাকীয়ে ৷

কোকৰাঝাৰ, 30 ছেপ্টেম্বৰঃ বিপিএফ, বিজেপি আৰু অগপৰ মাজত হ'ব আসনৰ বুজাবুজি ৷ আগন্তুক নিৰ্বাচনত তিনিওটা দলৰে মিত্ৰতা অব্যাহত থাকিব ৷ বিটিচি নিৰ্বাচনত তিনিওটা দলেই আভ্যন্তৰীণ বুজাবুজিৰে আসনৰ ভাগ-বিতৰণ কৰিব ৷

কোকৰাঝাৰৰ ৰবীন্দ্ৰ নগৰ উন্নয়ন সমিতিৰ কাৰ্যালয় ও পুথিভঁৰাল উদ্বোধন কৰি এইদৰে মন্তব্য কৰে বিটিচি প্ৰধান হাগ্ৰামা মহিলাৰীয়ে ৷ ইয়াৰ পূৰ্বেই বালাজান তিনালী সমবায় সমিতিৰ নৱনিৰ্মিত কাৰ্যালয় ভৱনো উদ্বোধন কৰে হাগ্ৰামাই ৷

অধিক পঢ়কঃ চিৰাঙত মুকলি উপ-পঞ্জীয়কৰ কাৰ্যালয়

আনহাতে কোকৰাঝাৰ চহৰত অব্যাহত থকা স্প্ৰেমেন, সোপাধৰা আদি কাণ্ডক গৰিহনা দিয়ে হাগ্ৰামাই ৷ এনেকুৱা কাৰ্যৰ ফলত বড়ো যুৱতী-মহিলাসকল আক্ৰান্ত হৈছে আৰু এয়া কোনো ভাল লক্ষণ নহয় ৷ এই ঘটনাৰ তদন্তৰ বাবে হাগ্ৰামাই এখন উচ্চ পৰ্যায়ৰ তদন্ত কমিটি গঠন কৰাৰ কথা প্ৰকাশ কৰে ৷