মাজ নিশা ঘৰৰ পৰা মাতি আনি যুৱকক হত্যা

শনিবাৰে নিশা কোনো দুৰ্বৃত্তই হানি-খুচি হত্যা কৰে আক্তাৰ হুছেইন নামৰ এজন 30 বছৰীয়া যুৱকক ৷ গোঁসাইগাঁৱৰ 3 নং দাৱাগুৰি গাঁৱত সংঘটিত হয় এই ঘটনা ৷

গোঁসাইগাঁও, জুলাই 28 : এটা নৃশংস হত্যাকাণ্ডই জোঁকাৰি গ'ল কোকৰাঝাৰ জিলাৰ গোঁসাইগাঁও ৷ শনিবাৰে নিশা কোনো দুৰ্বৃত্তই হানি-খুচি হত্যা কৰে আক্তাৰ হুছেইন নামৰ এজন 30 বছৰীয়া যুৱকক ৷ গোঁসাইগাঁৱৰ 3 নং দাৱাগুৰি গাঁৱত সংঘটিত হয় এই ঘটনা ৷ ৰাতি 2 বজাত ঘৰৰ পৰা মাতি আনি এইদৰে হত্যা কৰা হয় যুৱকজনক ৷ ঘটনা সন্দৰ্ভত গাঁৱৰে একাংশ যুৱকলৈ সন্দেহৰ আঙুলি টোঁৱাইছে পৰিয়ালৰ লোকে ৷ যুৱকজনৰ মৃতদেহ ইতিমধ্যে মৰণোত্তৰ পৰীক্ষাৰ বাবে কোকৰাঝাৰ অসামৰিক চিকিৎসালয়লৈ প্ৰেৰণ কৰা হয় ৷