গোসাইগাঁও, 17 চেপ্তেম্বৰঃ বিগত তিনি মাহ ধৰি জহি খহি পৰি ৰৈছে এখন পকী দলং । বন্ধ হৈছে গোসাইগাঁও-গৌৰীপুৰৰ যাতায়ত। কিন্তু গড়কাপ্তানি বিভাগ আৰু জন প্ৰতিনিধিয়ে এই ক্ষেত্ৰত কোনো ধৰণৰ ব্যৱস্থা নোলোৱাৰ অভিযোগ ৷ ডিংডিঙাৰ পৰা ৰূপচী বিমান বন্দৰ হৈ গৌৰীপুৰলৈ যোৱা গড়কাপ্তানি পথৰ খৰখৰি গাঁৱত থকা দলঙৰ দুৰৱস্থাই জীয়াতু ভোগাইছে স্থানীয় ৰাইজক । কোকৰাঝাৰ জিলাৰ বিটিচিৰ দুই নম্বৰ গুমা সমষ্টিৰ অন্তৰ্গত এই পকী দলংখন বিগত তিনি মাহ পূৰ্বে বানপানীত খহি পৰে । তেতিয়াৰ পৰাই ডিংডিঙা আৰু গৌৰীপুৰৰ যাতায়ত বন্ধ হৈ পৰে। ফলত বৃহত্তৰ এলেকা ডিংডিঙা, তামাৰহাট , হাতীধুৰা অঞ্চলৰ পৰা ৰোগী নিব পৰা নাই ধুবুৰী অসামৰিক চিকিৎসালয়লৈ । এই দলংখনৰ বাবেই যাতায়তৰ ক্ষেত্ৰত তীব্ৰ সমস্যাৰ সন্মুখীন হৈছে স্কুল কলেজৰ শিক্ষাৰ্থী সকল।
দলঙৰ দুৰৱস্থাই জীয়াতু ভোগাইছে গোসাইগাঁৱৰ ৰাইজক