বিহাৰৰ অপহৃত ছাত্ৰক গোসাইগাৱঁত উদ্ধাৰ

বিহাৰৰ পুনিয়া জিলাৰ ১২ বছৰীয়া ছাত্ৰটোক উদ্ধাৰ কৰে এজন অটোচালকে ৷

গোসাঁইগাঁও,21 জুলাই: গোসাঁইগাঁৱৰ জয়মাতুত বিহাৰৰ অপহৃত ছাত্ৰক উদ্ধাৰ৷ ১২ বছৰীয়া ছাত্ৰটোক গোসাঁইগাঁৱৰ জয়মাতু উদ্ধাৰ কৰা হয় ৷ ছাত্ৰজন বিহাৰৰ পুনিয়া জিলাৰ বেছি গাঁৱৰ মহম্মদ তচলিম আলমৰ পুত্ৰ৷ অপহৃত ছাত্ৰ জনৰ নাম মহম্মদ মজদম আলম৷ ছাত্ৰজন মাদ্ৰাছাৰ পঞ্চম শ্ৰেণীৰ ছাত্ৰ আছিল৷ উল্লেখ্য যে শুকুৰবাৰে পুৱা মাদ্ৰাছাত গৈ থকা অৱস্থাত বাটৰ পৰা বলপূৰ্বকভাৱে উঠাই নিয়ে আৰু তাৰপাছত ছাত্ৰজনক ৰেলযোগে গোসাঁইগাঁৱত লৈ আহে৷ গোসাঁইগাঁৱৰ পৰা অটোযোগে জয়মাতু লৈ নি থকা অৱস্থাত ছাত্ৰ জনজন চিঞৰ বাখৰ কৰে৷ উপায়হীন হৈ অপহৰণৰ লগত জড়িত লোকজনে ছাত্ৰজনক মাৰপিট কৰি এৰি দিয়ে ৷ অৱশেষত এজন অটো চালকে অপহৃত ছাত্ৰজনক উদ্ধাৰ কৰে৷