কোকৰাঝাৰত চাৰি অপহৰণকাৰীক আটক

কোকৰাঝাৰৰ গোসাঁইগাঁও অপহৰণ কাণ্ডৰ লগত জৰিত চাৰি অপহৰণকাৰীক গোসাঁইগাঁও আৰক্ষীৰয়ে আটক কৰে ৷

কোকৰাঝাৰ,24 জুনঃকোকৰাঝাৰ আৰক্ষীয়ে চলোৱা এক অভিযানত বুধবাৰে আটক হয় চাৰি অপহৰণকাৰী ৷ আটক কৰা যুৱক চাৰি গৰাকী ক্ৰমে কাজিগাঁও থানাৰ অন্তৰ্গত মাগুৰমাৰী গাঁৱৰ অক্ষয় ছাংমা(২৫),বগৰিবাৰী থানাৰ অন্তৰ্গত মাটিয়াধল গাঁৱৰ ছৌল মাৰাক(২২),কপিল ব্ৰহ্ম আৰু সুনীল বসুমতাৰী বুলি চিনাক্ত কৰা হৈছে | লগতে আৰক্ষীয়ে যুৱক চাৰিগৰাকীৰ পৰা এটা ৭.৬৫ এম এমৰ এটি পিস্তল উদ্ধাৰ কৰে |

অপহৰণকাৰীৰ পৰা জব্দ কৰে এটা ৭.৬৫ এম এম পিস্তল আৰু এখন খুকুৰী

উল্লেখ্য যে গোসাইগাঁও চহৰৰ চাৰি নম্বৰ ৱাৰ্ডৰ আক্তাৰ হুছেইন খানৰ পুত্ৰ আমিনুৰ হুছেইন খান যোৱা ৯ জুনত অপহৰণ কৰি হত্যা কৰিছিল | আৰক্ষীয়ে আটক কৰা অপহৰণকাৰী কেইজনক জেৰা অব্যাহত ৰাখিছে অধিক তথ্যৰ সন্ধানত ৷

উল্লেখ্য যে অপহৰণকাৰী দলটোৱে আমিনুৰ হুছেইন খানৰ পৰিয়ালক ২০ লাখ টকা দাবী কৰিছিল ৷

লগতে চাওকঃ গোসাইগাঁৱত চালকক অপহৰণ কৰি হত্যাঃ চাৰিজনক আটক