কোকৰাঝাৰ, 11 জুলাইঃ নেৰানেপেৰা বৰষুণৰ ফলত ভূটানৰ পাহাৰৰ পৰা নামি অহা সোণকোষ , গৌৰাং , গংগীয়া , লংগা আদি নৈৰ জলপৃষ্ঠ বৃদ্ধি হোৱাৰ ফলত কোকৰাঝাৰ জিলাৰ বিভিন্ন প্ৰান্তত বানে তীব্ৰ ৰূপ ধাৰণ কৰিছে ৷ বিশেষকৈ গংগীয়া নৈৰ বাঢ়নী পানীয়ে বিপদসীমা অতিক্ৰম কৰাত জিলাখনৰ দোতমাৰ এক বিস্তীৰ্ণ অঞ্চল বানত ডুব গৈছে । দোতমাৰ তিনি নং সিকাৰবিল নামৰ গাঁওখন বানত আটাইতকৈ বেছি ক্ষতিগ্ৰস্ত হৈছে৷ গাওঁখনৰ মাজেদি বৈ যোৱা গংগীয়া নৈৰ খহনীয়াৰ ফলত কেইবাটাও পৰিয়াল ক্ষতিগ্ৰস্ত হৈছে ।
কোকৰাঝাৰৰ বানৰ তাণ্ডৱত প্লাৱিত ঘৰবাৰী আৰু গড়কাপ্তানি পথ