কোকৰাঝাৰ,2 নৱেম্বৰ:সোমবাৰে পুৱতি নিশা কোকৰাঝাৰত সংঘটিত হৈছে এক চাঞ্চল্যকৰ ঘটনা ৷ জিলাখনৰ সদৰ গোঁসাইগাঁৱৰ অন্তৰ্গত তুলসীবিল বজাৰ এলেকাত এটা পৰিয়ালৰ 5 গৰাকী সদস্যই আত্মহত্যা কৰাৰ ঘটনাই জোকাৰি গৈছে সমগ্ৰ জিলাখন ৷ গোঁসাইগাঁও আৰক্ষী চকীৰ অন্তৰ্গত নিৰ্মল পাল নামৰ ব্যক্তিগৰাকীৰ ঘৰত সংঘটিত হৈছে এনে হৃদয় বিদাৰক ঘটনা ৷ আত্মহত্যাৰ বলি হোৱা পৰিয়ালটোৰ সদস্যসকল ক্ৰমে নিৰ্মল পাল, মল্লিকা পাল, নিহা পাল, দীপা পাল আৰু পূজা পাল বুলি জানিব পৰা গৈছে ৷ প্ৰাপ্ত তথ্য অনুসৰি, পৰিয়ালটোৱে সুদীৰ্ঘ সময়ৰ পৰা অঞ্চলটোত বাস কৰি আহিছিল ৷ স্থানীয় লোকে প্ৰকাশ কৰা অনুসৰি, পৰিয়ালটোৰ সদস্যসকলক দেওবাৰে ঘৰৰ বাহিৰত প্ৰত্যক্ষ কৰা নাছিল চুবুৰীয়াই ৷ অৱশেষত সোমবাৰে পুৱা ফাঁচী লোৱা অৱস্থাত উদ্ধাৰ কৰা হয় পৰিয়ালটোৰ সদস্যসকলৰ মৃতদেহ ৷
একে পৰিয়ালৰ 5 গৰাকীৰ আত্মহত্যা