কোকৰাঝাৰত ফেশ্বন শ্ব’ প্ৰতিযোগিতা

সোমবাৰে কোকৰাঝাৰত মিষ্টাৰ, মিছ টিন, কিডছ বড়োলেণ্ড আৰু এক ফেশ্বন শ্ব’ প্ৰতিযোগিতা অনুষ্ঠিত কৰা হয় (Fashion show competition in Kokrajhar) ৷

কোকৰাঝাৰ, 5 জুলাই: কোকৰাঝাৰত সোমবাৰে মিষ্টাৰ, মিছ টিন, কিডছ বড়োলেণ্ড আৰু এক ফেশ্বন শ্ব’ প্ৰতিযোগিতা অনুষ্ঠিত কৰা হয় ৷ সুদৰ্শন ইণ্টাৰটেইনমেন্টৰ উদ্যোগত কোকৰাঝাৰ বাণিজ্য মহাবিদ্যালয়ৰ প্ৰেক্ষাগৃহত এই অনুষ্ঠান অনুষ্ঠিত হয় (Fashion show competition in Kokrajhar) ৷ এই প্ৰতিযোগিতাখনত বিটিআৰৰ লগতে ৰাজ্যখনৰ বিভিন্ন প্ৰান্তৰ শতাধিক প্ৰতিযোগীয়ে অংশগ্ৰহণ কৰে ৷ এই ফেশ্বন শ্ব’ প্ৰতিযোগিতাত 6 টাকৈ শাখাত মুঠ ১৮ গৰাকী প্ৰতিযোগী বিজয়ী হয় ৷

আয়োজক সমিতি তথা সুদৰ্শন ইন্টাৰটেইনমেন্টৰ সঞ্চালক ক্ৰমে জাইকলং বসুমতাৰী আৰু প্ৰাণজ্যোতি আদিত্যই সদৰী কৰা মতে মিছ বড়োলেণ্ড, মিষ্টাৰ বড়োলেণ্ড, মিছ টিন, মিষ্টাৰ টিন, মিছ কিডছ আৰু মিষ্টাৰ কিডছ এই 6 টা শাখাত বিভক্ত কৰে ৷ ইয়াৰে দীপ্তি খুচবু বসুমতাৰীয়ে মিছ বড়োলেণ্ডৰ চুড়ান্ত আৰু খিতাপ আৰু মাইকেল বসুমতাৰীয়ে মিষ্টাৰ বড়োলেণ্ডৰ খিতাপ দখল কৰিবলৈ সক্ষম হৈছে ৷

আনহাতে প্ৰগতি দেবী আৰু ৰিজি ব্ৰহ্মই মিছ বড়োলেণ্ড প্ৰতিযোগিতাৰ ক্ৰমে প্ৰথম আৰু দ্বিতীয় ৰাৰ্ণাচআপৰ সন্মান পাবলৈ সক্ষম হৈছে ৷ একেদৰে ৰাহুল দেব বড়ো আৰু প্ৰনয় ওৱাৰীয়ে ক্ৰমে মিষ্টাৰ বড়োলেণ্ডৰ প্ৰথম আৰু দ্বিতীয় ৰাৰ্ণাচআপৰ স্থান দখল কৰিছে ৷ ইফালে প্ৰতিযোগিতাৰ মিছ টিন বড়োলেণ্ড শাখাত প্ৰিয়া বশিষ্ঠ প্ৰথম, মাইছা ফাহমিদা দ্বিতীয় আৰু গুলপৰীয়ে তৃতীয় স্থান দখল কৰিছে ৷

মিষ্টাৰ টিন বড়োলেণ্ড প্ৰতিযোগিতাত দিকী নাৰ্জাৰী প্ৰথম, খৌৰৌম নাৰ্জাৰী দ্বিতীয় আৰু খনছাই ব্ৰহ্মই তৃতীয় স্থান দখল কৰিছে ৷ ইফালে মিছ কিডছ বড়োলেণ্ড প্ৰতিযোগিতাত প্ৰথম ছমায়া ছেত্ৰী, দ্বিতীয় জুতিকা ব্ৰহ্ম আৰু দিপীকা দৈমাৰীয়ে তৃতীয় স্থান দখল কৰিছে ৷

লগতে পঢ়ক :মহানগৰীত বৃহৎ পৰিমাণৰ গাঞ্জাসহ আটক দুই সৰবৰাহকাৰী