কোকৰাঝাৰ,১ এপ্ৰিল : কোকৰাঝাৰত অসম আৰক্ষীৰ এনকাউণ্টাৰ (Assam Police encounter in Kokrajhar)। এইবাৰ আৰক্ষীৰ গুলীত নিহত দুৰ্ধৰ্ষ ডকাইত তথা উগ্ৰপন্থী সংগঠন এন.এল.এফ.বিৰ প্ৰাক্তন সদস্য । ভাৰত-ভূটান সীমান্তৰ উল্টাপানীত সংঘটিত হৈছে এই এনকাউণ্টাৰ (Encounter at Ultapani) । আৰক্ষীৰ গুলীত নিহত ডকাইতটোক গোসাইগাঁৱৰ কাশিয়াবাৰীৰ সঞ্জুলা ওৱাৰী বুলি চিনাক্ত কৰা হৈছে (Ex militant killed in Assam police encounter)।
উল্লেখ্য যে, ভাৰত-ভূটান সীমান্তৰ মালিভিটা ইন্দ্ৰপুৰৰ বাসিন্দা কৃষ্ণে লুইটেলৰ ঘৰত ২৯ মাৰ্চৰ নিশা শূন্যলৈ গুলী ফুটাই ডকাইতৰ দলে লুটি নিছিল ৩ লাখ ৬০ হাজাৰ টকা । ওচৰৰে জৌমনাগুৰীৰ অবিনাশ মুছাহাৰী নামৰ আন এজন লোকৰ ঘৰতো অনুৰূপ ধৰণে নগদ দুই লাখ টকা আৰু সোণৰ অলংকাৰ লুটি লৈ গৈছিল ডকাইতৰ দলটোৱে । উক্ত ঘটনাৰ পাছতে আৰক্ষীয়ে ব্যাপক তদন্ত আৰম্ভ কৰে আৰু কোকৰাঝাৰ চেৰফাংগুৰী এলেকাৰ পৰা ডকাইতৰ দলটোৰ সদস্য তথা প্ৰাক্তন এনএলএফবি সদস্য সঞ্জুলা ওৱাৰীক আটক কৰে ।
আৰক্ষীৰ জেৰাত ওৱাৰীয়ে স্বীকাৰ কৰে যে উগ্ৰপন্থী সংগঠনৰ পৰা আত্মসমৰ্পন কৰা ১৪-১৫ গৰাকী সদস্যক লৈ তেওঁলোকে নতুন উগ্ৰপন্থী সংগঠনৰ জন্ম দিছে । নতুনকৈ জন্ম হোৱা উগ্ৰপন্থী দলটোত বাৰ্খাও বসুমতাৰী, কেডাৰ নাৰ্জাৰীকে ধৰি আন কেইবাজনো সদস্য থকা বুলি সদৰী কৰে ওৱাৰীয়ে ।