পুনৰ অস্ত্ৰ লোৱাৰ ভাবুকি KLOৰ প্ৰাক্তন সদস্যৰ

দেওবাৰে প্ৰাক্তন কে এল অৰ সদস্যৰ সংবাদমেল ৷ সংবাদমেলত পুনৰ অস্ত্ৰ লোৱাৰ ভাবুকি সংগঠনটোৰ ৷ প্ৰাক্তন, কোচ ৰাজবংশী অটনমাছ কাউঞ্চিলত কে এল অক অন্তৰ্ভুক্ত কৰাৰ আৰু কে এল অৰ সমস্যা সমাধানৰ দাবী চৰকাৰক ৷

কোকৰাঝাৰ, 30 আগষ্ট : মূল সুঁতিলৈ অহা প্ৰাক্তন কে এল অৰ সদস্য সমূহৰ সমস্যা সমাধানৰ দাবীত দেওবাৰে তামাৰহাটত সংবাদমেলৰ সম্বোধন কৰে । এই সংবাদমেলত উপস্থিত থাকে প্ৰাক্তন কে এল অৰ কেন্দ্ৰীয় উপ সভাপতি, নামনি অসমৰ জিলা সমিতিৰ সভাপতিকে আদি কৰি শীর্ষ নেতা কর্মী ।

কোচ ৰাজবংশী জনগোষ্ঠীৰ জ্বলন্ত সমস্যা সমাধান, জনজাতিকৰণ আৰু পৃথক কমতাপুৰ ৰাজ্য পুনৰ গঠনৰ দাবী সদস্য সকলৰ ৷ মূল সুঁতিলৈ অহাৰ সময়ত কেন্দ্ৰ তথা ৰাজ্য চৰকাৰে দিয়া প্ৰতিশ্ৰুতি আজি পৰ্যন্ত পূৰণ নকৰাৰ ফলত এতিয়া এশ এবুৰি সমস্যাত ভুগিছে এইসকল লোক । যাৰবাবে কে এল অ ৰ সমস্যা সমাধানৰ দাবীত এখন সংবাদমেল সম্বোধন কৰে ধুবুৰী জিলাৰ তামাৰহাটত ।

কে এল অৰ সমস্যা সমাধান কৰাৰ লগতে শেহতীয়াকৈ গঠন হ’বলগীয়া অটনমাছ কাউঞ্চিলত কে এল অৰ শীর্ষ নেতৃবৰ্গক স্থান দিবলৈ দাবী জনোৱাৰ লগতে চৰকাৰে দিয়া প্ৰতিশ্ৰুতি সমূহ শীঘ্ৰে পূনৰ কৰিবলৈ চৰকাৰক দাবী জনায় । লগতে গভীৰ সংকটত ভুগি থকা প্ৰাক্তন কে এল অৰ সদস্য সমূহৰ জ্বলন্ত সমস্যা শীঘ্ৰে সমাধান নকৰিলে পুনৰ হাতত অস্ত্ৰ লোৱাৰ ভাবুকি প্ৰদান কৰে । সেয়েহে পুনৰ হাতত অস্ত্ৰ লোৱাৰ পূৰ্বে চৰকাৰে প্ৰাক্তন কে এল অৰ সমস্যা সমাধান কৰাৰ আহ্বান জনায় । ইয়াৰ উপৰিও কে এল অৰ প্ৰতিষ্ঠাপক উপ সভাপতি গৰাকীক কাউঞ্চিলত অন্তৰ্ভুক্ত কৰাৰ দাবী উত্থাপন কৰে সংবাদ মেলত ।

লগতে চাওক-যান্ত্ৰিকতাৰ কোলাহলত অতিষ্ট হৈছে নেকি ? আহক এইখন গাঁৱলৈ..