বিজনীত ইউ পি পি এলৰ নিৰ্বাচনী সভাত ইউ জি ব্ৰহ্ম

দুৰ্নীতিৰ বিৰুদ্ধে মাৰ বান্ধি থিয় দিয়াৰ প্ৰতিশ্ৰুতি দলটোৰ প্ৰাৰ্থী উৰ্খাউ গৌৰা ব্ৰহ্মৰ ৷ বিপিএফ তথা অন্য দলৰ পৰা ভোটাৰসকলে ইউ পি পি এল দললৈ  ঢাপলি মেলিছে বুলি দাবী কৰে ব্ৰহ্মই ৷

চিৰাং, 19 মাৰ্চ :৫ নং কোকৰাঝাৰ লোকসভা সমষ্টিত ইউ পি পি এল দলৰ প্ৰাৰ্থী উৰ্খাউ গৌৰা ব্ৰহ্মি তীব্ৰ কৰি তুলিছে প্ৰচাৰ অভিযান ৷

বিজনী বড়ো বজাৰ সমূহীয়া কেন্দ্ৰত সোমবাৰে বিয়লি অনুষ্ঠিত সভাত উপস্থিত থাকি দুৰ্নীতিৰ বিৰুদ্ধে মাৰ বান্ধি থিয় দিয়াৰ লগতে সমষ্টিবাসীৰ সমস্যা সমাধানৰ প্ৰতিশ্ৰুতি দিয়ে দলটোৰ প্ৰাৰ্থী উৰ্খাউ গৌৰা ব্ৰহ্মই৷ ইউ পি পি এল দলটো স্পষ্টবাদী দল, সেইবাবে বিপিএফ তথা অন্য দলৰ পৰা ভোটাৰসকলে ইউ পি পি এল দললৈ ঢাপলি মেলিছে বুলি মন্তব্য কৰে দলটোৰ প্ৰাৰ্থী ব্ৰহ্মই ৷ একেখন সভাতে দলটোৰনিৰ্বাচনী ষ্টিয়াৰিং সমিতিও গঠন কৰা হয় ।