কোকৰাঝাৰ, ২০ ডিচেম্বৰ : বিপিএফে গুৱাহাটী উচ্চ ন্যায়ালয়ত ৰাজহুৱা স্বাৰ্থজড়িত আৱেদন দাখিলক লৈ অৱশেষত মুখ খুলিছে বিটিচিৰ মুখ্য কাৰ্যবাহী সদস্য প্ৰমোদ বড়োৱে । তেওঁ কয় বিপিএফে " ৰুল আৰু প্ৰচিডিঅ'ৰ " কথা কৈছে যদিও বিগত ১৭ বছৰে একোৱেই নকৰিলে ৷ এতিয়াহে নতুন চৰকাৰে বিধান পৰিষদৰ পৰা আৰম্ভ কৰি সকলোতে " চিষ্টেম " গঢ়ি তুলিব বুলি মন্তব্য কৰিছে বিটিচিৰ মুখ্য কাৰ্যবাহী প্ৰমোদ বড়োৱে ।
আনহাতে নিৰ্বাচিত পাৰিষদীয় সদস্য সকলক গুৱাহাটীৰ হোটেল লিলিৰ ঠাইত আৱদ্ধ কৰি ৰখা সন্দৰ্ভত সোধা এক প্ৰশ্নোত্তোৰত প্ৰমোদ বড়োৱে কয় যে, এতিয়ালৈকে পূৰ্ণাংগ পৰ্যায়ত কাম-কাজ আৰম্ভ হোৱা নাই আৰু দুই এদিনতে সকলো ঘুৰি আহিব। কাম কাজ আৰম্ভ হোৱাৰ পিছত বিনা অনুমতিত কোনেও বিদেশ ভ্ৰমনলৈও যাব নোৱাৰিব আৰু এতিয়া অলপ ফুৰি লৈছে লওক বুলি মন্তব্য কৰে প্ৰমোদ বড়োৱে ।
বিটিচিত নৱ নিৰ্বাচিত চৰকাৰ প্ৰথম খন কাৰ্যবাহী পৰিষদৰ বৈঠক সম্পন্ন