কোকৰাঝাৰ, ১৯ ডিচেম্বৰ : ইউপিপিএল, বিজেপি আৰু জিএছপি নেতৃত্বাধীন বিটিআৰ পৰিষদীয় চৰকাৰত নাথ-যোগী সম্প্ৰদায়ৰ এজনো প্ৰতিনিধি মনোনীত নকৰাত তীব্ৰ প্ৰতিক্ৰিয়া প্ৰকাশ কৰিছে সদৌ বিটিচি নাথ-যোগী যুৱ সন্মিলনীয়ে ৷
প্ৰমোদ চন্দ্ৰ নাথৰ মন্তব্য
শনিবাৰে সন্মিলনীৰ সাধাৰণ সম্পাদক প্ৰমোদ চন্দ্ৰ নাথে সংবাদমাধ্যমৰ আগত কয় যে যোৱা ১৭ বছৰে বিটিচিত বসবাস কৰা নাথ-যোগী লোকসকলে বিভিন্ন ক্ষেত্ৰত বঞ্চিত হৈ আহিছে ৷ এইবেলিও ইউপিপিএল, বিজেপি আৰু জিএছপি নেতৃত্বাধীন বিটিআৰ পৰিষদীয় চৰকাৰত নাথ-যোগী সম্প্ৰদায়ৰ এজনো প্ৰতিনিধি মনোনীত নকৰাত তীব্ৰ প্ৰতিক্ৰিয়া ব্যক্ত কৰিছে ৷