কোকৰাঝাৰ,12 ডিচেম্বৰ : বিটিচি নিৰ্বাচনৰ কোকৰাঝাৰ মহকুমাৰ পাঁচটা সমষ্টি ক্ৰমে 7 নং ফকিৰাগ্ৰাম, 9 নং বনৰগাঁও, 10 নং দেবৰগাঁও, 11 নং বাওখুংগ্ৰী আৰু 12 নং ছালাকাটি সমষ্টিৰ ভোটগণনা আৰম্ভ ৷ কোকৰাঝাৰ মহকুমাৰ পাঁচটা সমষ্টিৰ 2,85,150 গৰাকী ভোটাৰে 27 গৰাকী প্ৰাৰ্থীৰ ভাগ্য নিৰ্ণয় কৰিব ।
জিলা ৰিটাৰ্ণিং বিষয়া ভাস্কৰ ফুকনে জনোৱা মতে, ইতিমধ্যে ভোটগণনা আৰম্ভ হৈছে । ইয়াৰ লগে লগে তিনি তৰপীয়া নিৰাপত্তা ব্যৱস্থা ভোটগণনা কেন্দ্ৰত বাহাল ৰখা হৈছে । পোষ্টেল বেলটৰ ভোটগণনাও আৰম্ভ হৈছে ৷
উল্লেখ্য যে, দেবৰগাঁও সমষ্টিত 159 টা ভোটৰ ভিতৰত বিপিএফৰ হাগ্ৰাম মহিলাৰীয়ে 81 টা আৰু ইউপিপিএলৰ বুদ্ধদেৱ মুছাহাৰীয়ে 78 টা ভোট লাভ কৰে ৷ বনৰগাঁও সমষ্টিত 159 টা পোষ্টেল ভোটৰ ভিতৰত ইউপিপিএলৰ প্ৰাৰ্থী ৰবিৰাম ব্ৰহ্মই 77 টা, বিপিএফৰ প্ৰাৰ্থী ৰাজীৱ ব্ৰহ্মই 55 টা ভোট লাভ কৰাৰ বিপৰীতে 27 টা ভোট বাতিল হয় ৷