কোকৰাঝাৰ,16 নৱেম্বৰ:বিটিচিত নিৰ্বাচনৰ দিন চমু চাপি অহাৰ লগে-লগে আৰম্ভ হৈছে ৰাজনৈতিক দলৰ নিৰ্বাচনী কুচকাৱাজ ৷ সোমবাৰে টংলাৰ এখন বিজেপিৰ নিৰ্বাচনী সভাত উপস্থিত হয় মন্ত্ৰী হিমন্ত বিশ্ব শৰ্মা ৷ কোকৰাঝাৰত বিজেপিৰ চৰকাৰ নিশ্চিত ভাৱে হ'ব আৰু তাত হাগ্ৰামা মহিলাৰীৰ দাদাগিৰি নচলিব বুলি মন্তব্য কৰে মন্ত্ৰী হিমন্ত বিশ্ব শৰ্মাই ৷
সভাত লাফিকুলৰ হত্যাকাণ্ড বিটিচিত এক ৰাজনৈতিক হত্যাকাণ্ড আছিল বুলি মন্তব্য কৰে হিমন্ত বিশ্ব শৰ্মাই ৷ অহা ২-৩ মাহৰ ভিতৰত লাফিকুলৰ হত্যাকাৰী পোহৰলৈ আনিবলৈ ভাৰত চৰকাৰে চিবিআইৰ লগত যোগাযোগ কৰিছে বুলিও মন্ত্ৰী শৰ্মাই সভাত মন্তব্য কৰে ৷