কোকৰাঝাৰ, ২৭ ছেপ্টেম্বৰ: কোকৰাঝাৰ জিলাৰ ফকিৰাগ্ৰাম কলেজৰ নৱাগতা আদৰণি সভা বুধবাৰে অনুষ্ঠিত হয় । উক্ত নৱাগতা আদৰণি সভাত বিটিচি প্ৰধান প্ৰমোদ বড়ো মুখ্য অতিথি হিচাপে উপস্থিত থাকে । নৱাগতা আদৰণি সভাৰ অন্তত বিটিচি প্ৰধান প্ৰমোদ বড়োৱে ফকিৰাগ্ৰাম কলেজে নাকৰ দ্বাৰা মূল্যায়নত বি+ গ্ৰেড লাভ কৰাত সন্তুষ্টি প্ৰকাশ কৰি ফকিৰাগ্ৰাম কলেজৰ আন্তঃগাঁথনি নিৰ্মাণৰ বাবে এককোটি টকা আৰু কৰ্মশালা অনুষ্ঠিত কৰাৰ বাবে এক লাখ টকা অনুদানৰ কথা ঘোষণা কৰে ।
ইপিনে সাংবাদিকৰ এক প্ৰশ্নোত্তৰত হাগ্ৰামা মহিলাৰী আৰু বিপিএফ দল সন্দৰ্ভত গুৰুত্বপূৰ্ণ মন্তব্য কৰে বিটিচি প্ৰধান প্ৰমোদ বড়োৱে । তেওঁ কয় একমাত্ৰ বিৰোধী হোৱাৰ বাবেই হাগ্ৰামা মহিলাৰীয়ে ক’লাক ক’লা বুলি নকৈ বগা বুলি কৈছে । অহা লোকসভা নিৰ্বাচনত বিপিএফে দুটা সমষ্টিত প্ৰাৰ্থীত্ব প্ৰদান কৰিলেও দুয়োটা সমষ্টিতে হাৰিব । ইয়াৰ পিছতে চিৰদিনৰ বাবে দোকান বন্ধ হ'ব হাগ্ৰামা মহিলাৰীৰ ।