কোকৰাঝাৰ, 28 আগষ্ট : নামনি অসমৰ একমাত্ৰ উচ্চ শিক্ষা অনুষ্ঠান বড়োলেণ্ড বিশ্ববিদ্যালয়ৰ বিৰুদ্ধে ভয়ংকৰ গাফিলতিৰ অভিযোগ একাংশ B.Ed শিক্ষাৰ্থীৰ ৷ বড়োলেণ্ড বিশ্ববিদ্যালয়ে সময় মতে B.Ed ৰ অন্তিম ষান্মাসিকৰ পৰীক্ষা অনুষ্ঠিত নকৰাৰ বাবেই একাংশ শিক্ষাৰ্থীয়ে নতুনকৈ শিক্ষক নিযুক্তি প্ৰক্ৰিয়াৰ পৰা বঞ্চিত হৈছে ৷ ইয়াক লৈ নামনি অসমৰ বড়োলেণ্ড বিশ্ববিদ্যালয়ৰ অধীনত থকা বিভিন্ন B.Ed মহাবিদ্যালয়ত অধ্যয়ন কৰি থকা শিক্ষাৰ্থীৰ মাজত এক অনাকাংক্ষিত পৰিস্থিতিৰ উদ্ভৱ হয় ৷
শুকুৰবাৰে বিভিন্ন B.Ed মহাবিদ্যালয়ত অধ্যয়ন কৰি থকা শিক্ষাৰ্থীয়ে বিশ্ববিদ্যালয়ৰ উপাচাৰ্যৰ সৈতে মিলিত হৈছিল যদিও কোনো সমাধানৰ পথ নিদিলে বুলি অভিযোগ কৰে শিক্ষাৰ্থী সকলে ৷ লগতে কয় যে, UGC ৰ গাইড লাইনৰ মতে প্ৰতিখন বিশ্ববিদ্যালয়ে 22 আগষ্টৰ আগত B.Ed পৰীক্ষাৰ ফলাফল দিব লাগিছিল যদিও বড়োলেণ্ড বিশ্ববিদ্যালয়ে নিয়ম ভংগ কৰা পৰিলক্ষিত হৈছে ৷