কোকৰাঝাৰ, 26 জুনঃ আগন্তুক বিটিচি নিৰ্বাচন আৰু বিধানসভা নিৰ্বাচনত বিজেপি-বিপিএফ আৰু অগপ দলক সমৰ্থন জনাব আক্ৰাছুৱে । বৃহস্পতিবাৰে কোকৰাঝাৰ প্ৰেছ ক্লাৱত আয়োজিত হোৱা এক সংবাদমেলত আক্ৰাছুৰ মুখ্য উপদেষ্ঠা প্ৰদীপ কুমাৰ ৰায়ে প্ৰকাশ কৰে এই কথা ৷ তেওঁ আগন্তুক নিৰ্বাচনত মিত্ৰদলৰ চৰকাৰক সমৰ্থন কৰা হব বুলি মন্তব্য কৰি মিত্ৰদলৰ চৰকাৰে কোচ ৰাজবংশী জনগোষ্ঠীৰ সমস্যা সমাধানত গুৰুত্ব আৰোপ কৰিছে বুলি সদৰি কৰে ।
আক্ৰাছুৰ সংবাদমেল
যি দলে তেওঁলোকৰ সমস্যা সমাধানত গুৰুত্ব আৰোপ কৰিব তেনে দলক সমৰ্থন দিয়াত বাধা নাই বুলি প্ৰকাশ কৰে নেতা গৰাকীয়ে ৷ আনহাতে ৰায়ে কয় যে, কোচ ৰাজবংশী স্বায়ত্বশাসিত পৰিষদ , কোচ ৰাজবংশী উন্নয়ন পৰিষদ গঠন হলেও আক্ৰাছুৱে পৃথক কমতাপুৰ ৰাজ্য পুণৰগঠনৰ দাবী বাদ নিদিয়ে বুলিও গুৰুত্বপূৰ্ণ মন্তব্য আগবঢ়াই ৷