কোকৰাঝাৰ,১৬ জানুৱাৰী :তিনিচুকীয়া জিলাৰ লাইকা-দধিয়াৰ জনজাতি ৰাইজে নিজৰ ভূমি আৰু সংস্থাপনৰ বাবে অব্যাহত ৰখা গণতান্ত্ৰিক প্ৰতিবাদী সংগ্ৰামৰ প্ৰতি লক্ষ্য ৰাখি লাইকা-দধিয়াবাসীৰ সমস্যা অতি শীঘ্ৰে স্থায়ীভাৱে সমাধান কৰিবলৈ ৰাজ্য চৰকাৰক দাবী জনাইছে নিখিল বড়ো ছাত্ৰ সন্থা চমুকৈ এবছুয়ে ৷ এবছুৰ সভাপতি দীপেন বড়োৱে শনিবাৰে কোকৰাঝাৰত সংবাদ মাধ্যমৰ আগত কয় যে, প্ৰচণ্ড শীতৰ মাজতো নিজৰ অধিকাৰ, ন্যায্য প্ৰাপ্যৰ বাবে সংগ্ৰাম অব্যাহত ৰখা লাইকা-দধিয়াৰ ভূমিপুত্ৰ জনজাতি ৰাইজে বহু কষ্ট আৰু সমস্যাৰ সন্মুখীন হ’বলগীয়া হৈছে ৷
লাইকা-দধিয়াৰ জনজাতিৰ সমস্যা অতি শীঘ্ৰে স্থায়ী সমাধানৰ দাবী এবছুৰ