কোকৰাঝাৰ, 13 অক্টোবৰ: সৃজনীশীলতাৰ পৰিচয় দাঙি ধৰা এগৰাকী যুৱক ৷ যাৰ উদ্ভৱনী শক্তিয়ে ফেৰ মাৰিছে আধুনিক প্ৰযুক্তিৰ সৈতে ৷ কোকৰাঝাৰ জিলাৰ শক্তি আশ্ৰমৰ নিকটৱৰ্তী মুখীগাঁৱৰ এগৰাকী প্ৰতিভাৱান যুৱকে নিজ পৰিকল্পনাৰে সাজি উলিয়াইছে এখন অত্যাধুনিক ড্ৰ'ন ৷ কেৰুৰাম ৰায় আৰু উৰ্মিলা ৰায়ৰ একমাত্ৰ সন্তান ২২ বছৰীয়া খৰ্গেশ্বৰ ৰায়ে কোকৰাঝাৰস্থিত কেন্দ্ৰীয় প্ৰযুক্তি প্ৰতিষ্ঠানৰ পৰা 'ইলেকট্ৰ’নিকছ এণ্ড টেলি কমিউনিকেশ্যন’ বিষয়ত অভিযান্ত্ৰিক ডিপ্ল'মা গ্ৰহণ কৰে ৷ তেওঁ জানিবলৈ দিয়া অনুসৰি,ড্ৰ'ন নিৰ্মাণৰ উদ্দেশ্যে থকা তেওঁৰ পৰিকল্পনা আজিৰ নহয় ৷ মাথো অভাৱ আছিল সময়ৰ ৷ যাৰ বাবে তেওঁ লক ডাউনৰ বাবে পোৱা সময়ৰ সদব্যৱহাৰ কৰি ড্ৰ'নখন সাজি উলিয়াবলৈ সক্ষম হয় ৷
সৃজনীশীলতাৰ পৰিচয় দাঙি ধৰা এগৰাকী যুৱক যুৱকগৰাকী ড্ৰ'ন নিৰ্মাণৰ বাবে ইমানেই আগ্ৰহী আছিল যে,তেওঁ ড্ৰ'ন নিৰ্মাণৰ বাবে যাৱতীয় প্ৰায় আটাইখিনি সামগ্ৰী ক্ৰয় কৰি প্ৰগ্ৰেমিং আৰু ছফ্টৱেৰৰ সকলো কাৰিকৰী কৌশল খটুৱাই উন্নতমানৰ ড্ৰ'ন খন সাজি উলিয়াইছে ৷ সম্প্ৰতি ড্ৰ'ন খনত কেমেৰাটো লগাবলৈ বাকী আছে যদিও,অতি শীঘ্ৰেই তেওঁ সেই ড্ৰ'নখনত কেমেৰা সংস্থাপন কৰিব বুলি জনায় ৷ তেওঁ জানিবলৈ দিয়া মতে, কেমেৰাটো সংযোগ কৰাৰ পাচত সেই ড্ৰ'নখনে লাভ কৰিব পূৰ্ণতা ৷ যাৰ দ্বাৰা দৃশ্যগ্ৰহণৰ লগতে সম্পাদনাও কৰিব পৰা যাব বুলি তেওঁ জনায় ৷ আনহাতে তেওঁৰ ভৱিষ্যৎ পৰিকল্পনা অনুসৰি,সেই ড্ৰ'ন খনক তেওঁ বৰ্তমানতকৈয়ো অধিক উন্নত কৰিব ৷ যিয়ে বহু অত্যাধুনিক কৰ্ম সম্পাদন কৰাত সফল হ'ব বুলি আশাবাদী উদ্যমী যুৱকগৰাকী ৷
নিজ পৰিকল্পনাৰে খৰ্গেশ্বৰ ৰায়ে সাজি উলিয়াইছে অত্যাধুনিক ড্ৰ'নখন লগতে পঢ়ক:তথ্য জনাৰ অধিকাৰ আইন
