সামাজিক মাধ্যমত পিতৃ-কন্যাৰ ফটো বিকৃত কৰি গ্ৰেপ্তাৰ যুৱক

সামাজিক মাধ্যমত মন্ত্ৰী হিমন্ত বিশ্ব শৰ্মা আৰু তেওঁৰ কন্যাৰ ফটো বিকৃত ৰূপত প্ৰচাৰ কৰি গ্ৰেপ্তাৰ কৰিমগঞ্জৰ যুৱক ৷ ইয়াৰ পূৰ্বেও গ্ৰেপ্তাৰ হৈছিল এক ব্যক্তিগত ৱেব পৰ্টেলৰ দুই সাংবাদিক ৷

কৰিমগঞ্জ, 19 ফেব্ৰুৱাৰী :ৰাজ্যৰ প্ৰভাৱশালী মন্ত্ৰী ড° হিমন্ত বিশ্ব শৰ্মা আৰু তেওঁৰ কন্যাৰ এখন ফটো বিকৃত ৰূপত উপস্থাপন কৰি কৰিমগঞ্জত গ্ৰেপ্তাৰ হ'ল এজন যুৱক ৷ বৃহস্পতিবাৰে নিশা কৰিমগঞ্জৰ ফকিৰবাজাৰৰ পৰা ইকবাল হুছেইন নামৰ যুৱকজনক গ্ৰেপ্তাৰ কৰা হয় ৷

আনহাতে, শুকুৰবাৰে ইকবালক আদালতত হাজিৰ কৰা হয় ৷ উল্লেখ্য যে, ইকবাল হুছেইন নামৰ এই যুৱকজনে নিজৰ ফেচবুকত মন্ত্ৰী হিমন্ত বিশ্ব শৰ্মা আৰু তেওঁৰ কন্যাৰ ফটো বিকৃত ৰূপত প্ৰচাৰ কৰিছিল ৷

উল্লেখ্য যে, বুধবাৰৰ দিনা এই ঘটনাৰ সৈতে জড়িত থকা এক ব্যক্তিগত ৱেব পৰ্টেলৰ দুই সাংবাদিককো আৰক্ষীয়ে গ্ৰেপ্তাৰ কৰিছিল ৷ ভাৰতীয় দণ্ডাবিধি আইনৰ 509 অনুচ্ছেদ আৰু POCSO আইনৰ অধীনত দিছপুৰ আৰক্ষী থানাত ৰুজু কৰা গোচৰৰ পাচতে গ্ৰেপ্তাৰৰ সন্মুখীন হৈছিল সাংবাদিক দুগৰাকী ৷

লগতে পঢ়ক :মিচিং জনগোষ্ঠীক বিশ্বাসঘাটকতা কৰিলে ভূৱন আৰু ৰণোজ পেগুৱে