দহ বছৰে কৰ্মচাৰী উপস্থিত নোহোৱা বনবিভাগৰ এটা কাৰ্যালয়

ৰাইজৰ অভিযোগ বিগত 10 বছৰে নিজৰ দায়িত্ব ফাকি দি আহিছে কাৰ্যালয়টোৰ কৰ্মচাৰী সকলে ৷ কাৰ্যালয়টোত নাই দৰ্জা-খিৰিকী, নাই প্ৰয়োজনীয় আচবাব ৷ ব্যৱহাৰৰ অভাৱত এতিয়া যেন ভূত বাংলালৈ পৰিণত হৈছে কাৰ্যালয়টো ৷

কৰিমগঞ্জ, 21 নৱেম্বৰ: নিধিৰাম চৰ্দাৰৰ ভূমিকালৈ পৰ্যবেশিত হৈছে বন মন্ত্ৰী পৰিমল শুক্লবৈদ্যৰ অধীনস্থ অসমৰ বন বিভাগ ৷ কৰিমগঞ্জ বন বিভাগৰ অধীনত থকা আদৰকোনা বিট অফিচৰ জৰাজীৰ্ণ অৱস্থাই যেন প্ৰতিফলিত কৰিছে বন বিভাগৰ পঁয়ালগা অৱস্থা ৷ কাৰ্যালয়টোত বিগত 10 বছৰে কোনো এজনো কৰ্মচাৰী উপস্থিত নোহোৱাৰ অভিযোগ স্থানীয় ৰাইজৰ ৷ ৰাইজৰ অভিযোগ বিগত 10 বছৰে নিজৰ দায়িত্ব ফাঁকি দি আহিছে কাৰ্যালয়টোৰ কৰ্মচাৰী সকলে ৷ কাৰ্যালয়টোত নাই দৰ্জা-খিৰিকী,নাই প্ৰয়োজনীয় আচবাব ৷ ব্যৱহাৰৰ অভাৱত এতিয়া যেন ভূত বাংলালৈ পৰিণত হৈছে কাৰ্যালয়টো ৷ বিভাগটোৱে কেৱল মাত্ৰ আদৰকোনাৰ পৰা 18 কিলোমিটাৰ নিলগত,বদৰপুৰ ঘাটৰ ৰাষ্ট্ৰীয় ঘাইপথৰ দাতিত আদৰকোনা বিট অফিচৰ চাইনব'র্ড লগাই গাড়ীৰ পৰা কৰ সংগ্ৰহ কৰি অহাৰ অভিযোগ ৰাইজৰ ৷

উল্লেখ্য যে,বিভাগৰ এনে কৰ্ম কাণ্ডত অতীষ্ঠ হৈ ভূমি ঘুৰাই দিয়াৰ দাবী কৰিছে কাৰ্যালয়টোৰ বাবে ভূমি দান কৰা পৰিয়ালটোৱে ৷ ভূমি দান কৰা পৰিয়ালৰ সদস্য ৰঞ্জিত চুতীয়াই জনাইছে যে,যদি উক্ত স্থানত কাৰ্যালয়টোৰ কোনো কাম নাই তেনেহ'লে বিভাগে তেখেতৰ ভূমি হস্তান্তৰ কৰিব লাগে ৷ ৰাইজৰ অভিযোগ কাৰ্যালয়টোত কোনো এজন বিষয়া কৰ্মচাৰী উপস্থিত নথকাৰ বাবে নিতৌ উক্ত স্থানেৰে শ-শ ট্ৰাক অবৈধ বনজ সম্পদ কঢ়িয়াই নিয়া ট্ৰাক পাৰ হোৱাৰ অভিযোগ স্থানীয় ৰাইজৰ ৷

লগতে পঢ়কঃপুৱাই ডাঠ কুঁৱলীয়ে আগুৰি ধৰিলে দেশৰ ৰাজধানী দিল্লীক