লক ডাউনৰ সময়ছোৱাত কৰিমগঞ্জত আটক ম'বাইল চোৰ

লক ডাউনৰ ফলত সকলো কাম বন্ধ হৈ থকাৰ বাবেহে বোলে চুৰি বিদ্যাত হাত দিবলগীয়া হ'ল যুৱকে

কৰিমগঞ্জ, 5 এপ্ৰিলঃ লক ডাউনৰ সময়তে কৰিমগঞ্জত সংঘটিত হয় চুৰিৰ ঘটনা ৷ কৰিমগঞ্জ চহৰৰ মাজমজিয়াত থকা পাথাৰকান্দি বাছ আস্থানৰ কাষত এখন টাটা স্কাই আৰু এখন ম'বাইলৰ দোকানৰ পৰা চুৰে লুটি নিয়ে কেবালাখ টকাৰ সামগ্ৰী । কিন্তু ঘটনা পোহৰলৈ অহাৰ প্ৰায় দুঘন্টাৰ পাছতে চোৰক কৰায়ত্ব কৰে আৰক্ষীয়ে ।

লক ডাউনৰ ফলত সকলো কাম বন্ধ হৈ থকা বাবে চৌৰ্যবৃত্তিত হাত দিবলগীয়া হোৱা বুলি আৰক্ষীৰ আগত প্ৰকাশ কৰে চোৰটোৱে ৷ উল্লেখ্য যে, দিনৰ ভাগত চহৰখনত যথেষ্ট পৰিমাণৰ আৰক্ষী দেখিবলৈ পোৱা যায় যদিও ৰাতিৰ ভাগত আৰক্ষী কিমান সক্রিয় সেয়াহে লক্ষ্যণীয় বিষয় ৷