বদৰপুৰত উদ্ধাৰ ত্ৰিপুৰাৰ অপহৃত ছাত্ৰ

দুষ্কৃতিকাৰীৰ পৰা পলাই সাৰিবলৈ সক্ষম ত্ৰিপুৰাৰ ছাত্ৰ ৷ বদৰপুৰত অসহায়ভাৱে ঘূৰি ফুৰা দেখি স্থানীয় ৰাইতে গতাই দিলে বদৰপুৰ আৰক্ষী চকীত ৷

বদৰপুৰ , 7 ছেপ্তেম্বৰঃ ত্ৰিপুৰা ৰাজ্যৰ ধৰ্মনগৰৰ পৰা অপহৃত দুজন স্কুলীয়া ছাত্ৰক অসমৰ বদৰপুৰত উদ্ধাৰক লৈ সৃষ্টি হৈছে তীব্ৰ চাঞ্চল্যৰ ৷ প্ৰাপ্ত তথ্য মতে, শুকুৰবাৰে ৰাতি প্ৰায় 9 বজাত বদৰপুৰত দুজন স্কুলীয়া ল'ৰা ঘূৰি ফুৰা দেখি ৰাইজে সোধা পোছা কৰাত ল'ৰা দুজনে কয় যে, তেওঁলোকৰ ঘৰ ত্ৰিপুৰাৰ ধৰ্মনগৰত ৷ শুকুৰবাৰে ত্ৰিপুৰাৰ ধৰ্মনগৰৰ স্কুলীয়া ছাত্ৰ দুজনক স্কুলৰ পৰা ঘৰলৈ ঘূৰি যোৱাৰ সময়ত চাৰিজন দুষ্কৃতিকাৰীয়ে এখন বলে'ৰ গাড়ীত উঠাই লৈ আহে ৷ বদৰপুৰত তেওঁলোকে কিবা কামৰ বাবে গাড়ী ৰাখিবলৈ কোৱাত ছাত্ৰ কেইজন পলাবলৈ সক্ষম হৈছে বুলি জনায় ৷ ফোনযোগেৰে নিজৰ ঘৰৰ লগত কথা পতাৰ পাছতেই ছাত্ৰ দুজনক বদৰপুৰ আৰক্ষী চকীত চমজাই দিয়ে স্থানীয় ৰাইজে ৷