নিলামবজাৰ হত্যাকাণ্ডৰ দুই অভিযুক্তক আটক

নিলামবজাৰত সংঘটিত হত্যাকাণ্ডত জড়িত দুই অভিযুক্তক আটক নিলামবজাৰ আৰক্ষীৰ ৷ তাজ উদ্দিন নামৰ এজন যুৱকৰ হত্যাৰ লগত জড়িত আছিল দুই অভিযুক্ত ৷

দক্ষিণ কৰিমগঞ্জ, 2 জানুৱাৰী :প্ৰায় 24 ঘন্টা যোৰা অভিযানৰ অন্তত অৱশেষত নিলামবজাৰ আৰক্ষীয়ে আটক কৰিছে নিলামবজাৰত সংঘটিত হত্যাকাণ্ডত জড়িত দুই অভিযুক্তক ৷ আৰক্ষীয়ে প্ৰকাশ কৰা তথ্য অনুসৰি আটকাধীন দুই অভিযুক্ত ক্ৰমে আব্দুল মুতলিব (35) আৰু লাল মিঞা(46) ৷ তাজ উদ্দিন নামৰ যুৱকজনৰ হত্যাৰ লগত জড়িত আছিল দুই অভিযুক্ত ৷

উল্লেখ্য যে নৱবৰ্ষৰ পহিলা জানুৱাৰীৰ দিনটোতে কৰিমগঞ্জৰ মডেল চিনিয়ৰ চেকেণ্ডাৰী স্কুলৰ পাছফালে উদ্ধাৰ হৈছিল তাজ উদ্দিন নামৰ এজন যুৱকৰ মৃতদেহ ৷ সোমবাৰে ঘৰৰ পৰা ওলাই যোৱাৰ পাছৰে পৰা সন্ধানহীন হৈ আছিল পেচাত গাড়ীচালক যুৱকজন ৷ অনুসন্ধানৰ অন্তত তাজ উদ্দিনৰ ঘৰ নিলামবজাৰৰ আলমখানি গাঁৱত বুলি চিনাক্ত কৰিছিল আৰক্ষীয়ে ৷

লগতে পঢ়ক: কৰিমগঞ্জৰ নিলামবজাৰত চাঞ্চল্যকৰ ঘটনা, উদ্ধাৰ মৃতদেহ