প্রধানমন্ত্ৰী মোডীৰ ওপজা দিন উপলক্ষে ত্ৰিপুৰাৰ মুখ্যমন্ত্ৰীৰ ৬ মাহৰ দৰমহা দান

প্রধানমন্ত্ৰী মোডীৰ ওপজা দিন উপলক্ষে ত্ৰিপুৰাৰ মুখ্যমন্ত্ৰী বিপ্লৱ কুমাৰ দেৱে অহা ৬ মাহৰ দৰমহা তেওঁ দান দিয়াৰ সিদ্ধান্ত লৈছে।

কৰিমগঞ্জ, 14 ছেপ্টেম্বৰঃ"ৰাজ্যৰ উন্নয়নৰ বাবে 6 মাহৰ দৰমহা দান কৰিব ত্ৰিপুৰাৰ মুখ্যমন্ত্ৰীয়ে" ৷ প্ৰধানমন্ত্ৰী নৰেন্দ্ৰ মোডীৰ 69 সংখ্যক জন্মদিন উপলক্ষে ত্ৰিপুৰাৰ মুখ্যমন্ত্ৰী বিপ্লৱ কুমাৰ দেৱে আগন্তুক 6 মাহৰ দৰমহা দান কৰাৰ কথা ঘোষণা কৰে ৷

উল্লেখযোগ্য যে, প্রধানমন্ত্ৰী মোডীৰ জন্মদিন উপলক্ষে বিজেপিৰ ‘সেৱা সপ্তাহ’ কাৰ্যসূচীৰ অংশৰূপে স্বাস্থ্য মন্ত্ৰী হিমন্ত বিশ্ব শৰ্মাই গুৱাহাটী চিকিৎসা মহাবিদ্যালয়ত ৰক্তদান কৰে ৷ আনহাতে শনিবাৰে পুৱাই বিজেপিৰ সেৱা সপ্তাহ অভিযানৰ অংশ হিচাপে গৃহমন্ত্ৰী অমিত শ্বাহ আৰু বিজেপিৰ কাৰ্যবাহী অধ্যক্ষ জে.পি নাড্ডাই চাফা কৰিলে এইমছৰ মজিয়া ৷ উল্লেখযোগ্য যে, অহা ১৭ ছেপ্টেম্বৰত প্ৰধানমন্ত্ৰী নৰেন্দ্ৰ মোডীৰ জন্মদিন। বিজেপিয়ে সমগ্ৰ দেশতেই প্ৰধানমন্ত্ৰী মোডীৰ ৬৯ সংখ্যক জন্মদিন উপলক্ষে ‘সেৱা সপ্তাহ’ ৰূপে পালন কৰাৰ লগতে বিভিন্ন কাৰ্যসূচীৰ বাবে প্ৰস্তুতি চলাইছে।