কৰিমগঞ্জ, 1 মাৰ্চ : লোকসভা নিৰ্বাচনৰ পূ্ৰ্বে এইবেলি দেশজুৰি চৰ্চাত চকীদাৰৰ প্ৰসংগ ৷ দেশৰ প্ৰধানমন্ত্ৰী নৰেন্দ্ৰ মোডীকে ধৰি বিজেপি নেতা কৰ্মীৰ মাজত এতিয়া জনপ্ৰিয় শব্দটোৱেই হ'ল চকীদাৰ ৷ প্ৰধানমন্ত্ৰীকে ধৰি দলটো উচ্চ পৰ্যায়ৰ নেতাৰ পৰা তৃণমূল পৰ্যায়ৰ কৰ্মীলৈ সকলোৰে নামৰ আগত এতিয়া চকীদাৰ শব্দ মাথো ৷ দেশৰ আজন্ম প্ৰহৰী হৈ দেশ ৰক্ষা কৰি যাব বুলি "মে ভি চকীদাৰ" শ্ল'গান আওৰাই নিৰ্বাচনৰ পূৰ্বে এতিয়া ভোট ভিক্ষাত ব্যস্ত বিজেপিৰ নেতৃত্ব । কিন্তু বিজেপিৰ এই চকীদাৰৰ সোঁতৰ বিপৰীতে একাংশ বাস্তৱ চকীদাৰ তথা প্ৰহৰী ৷ প্ৰকৃততেকিদৰে জীয়াই আছে এইসকল একো একোজন চকীদাৰ ?
"মে ভি চকীদাৰ" বনাম বাস্তৱৰ চকীদাৰ
বিজেপি নেতৃত্বই চকীদাৰ শব্দ ব্যৱহাৰেৰে নিৰ্বাচনত অৱতীৰ্ণ হৈ যোৱাৰ সময়তে বাস্তৱ জীৱনত একাংশ চকীদাৰে চলাই গৈছে জীৱন সংগ্ৰাম
Breaking News
এইয়া কৰিমগঞ্জৰ লংগাই চাহ বাগিছাৰ একাংশ চকীদাৰৰ জীৱন কাহিনী ৷ কেৱল মাত্ৰ মাহত দুই-তিনি হাজাৰ টকা হাজিৰা আৰু কোৱাৰ্টাৰৰ নামত এটা জহি খহি যোৱা ঘৰতেই থাকি কৰিবলগীয়া হৈছে জীৱন সংগ্ৰাম ৷ এওঁলোক মাথো এটা এটা উদাহৰণহে ৷ দেশ তথা ৰাজ্যত হয়তো এনে লাখ লাখ চকীদাৰ আছে যি অশেষ কষ্ট ত্যাগ কৰিও উপযুক্ত মজুৰীৰ অভাৱত যুঁজ কৰি গৈছে জীৱনৰ সৈতে ৷