শিলচৰত অঘটন: চলন্ত ৰেলত ডেগাৰেৰে হানি-খুচি প্ৰাণ ল'লে এজনৰ

শিলচৰ-ধৰ্মনগৰ যাত্ৰীবাহী ৰেলত সংঘটিত হল এই হত্যাকাণ্ড ৷ নিহত যুৱকজনৰ নাম ৰঞ্জু নমসুদ্ৰ ৷ হত্যাকাৰী আনোৱাৰৰ ঘৰ নগাঁৱৰ ডবকাত ৷

কৰিমগঞ্জ, 30 নৱেম্বৰ: শনিবাৰে নিশা কৰিমগঞ্জ ষ্টেচনত চলন্ত ৰেলৰ ভিতৰত সংঘটিত হল এক বুকু কঁপাই যোৱা হত্যাকাণ্ড ৷ শিলচৰ-ধৰ্মনগৰ যাত্ৰীবাহী ৰেলত পেটত ডেগাৰ মাৰি ৰঞ্জু নমসুদ্ৰ নামৰ এজন যুৱকৰ প্ৰাণ ল'লে একেখন ৰেলতে যাত্ৰা কৰা আনোৱাৰ হুচেইন নামৰ এজন ব্যক্তিয়ে ৷ ঘটনা অনুসৰি ৰেলখন শিলচৰৰ পৰা কৰিমগঞ্জ অভিমুখে গৈ থকা অৱস্থাতে আনোৱাৰে হঠাৎ ৰঞ্জু নমসুদ্ৰ নামৰ যুৱকজনৰ পেটত এখন ডেগাৰেৰ আঘাত কৰে ৷ ইফালে এই ঘটনাৰ পাছত ৰেলখনত থকা আন আন যাত্ৰী সকলে হত্যাকাৰী আনোৱাৰক আটক কৰি ৰেল আৰক্ষীক গতাই দিয়ে ৷ আৰক্ষীয়ে বৰ্তমান ধৃত আনোৱাৰক সোধপোছৰ বাবে বদৰপুৰ ৰেল আৰক্ষী থানালৈ প্ৰেৰণ কৰাৰ লগতে নিহত যুৱকজনৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে ৷ কিন্তু কি কাৰণত আনোৱাৰে এই হত্যাকাণ্ড সংঘটিত কৰিলে এই বিষয়ে বৰ্তমানলৈকে একো জানিব পৰা হোৱা নাই ৷ আৰক্ষীৰ তদন্তৰ পাছতহে ঘটনাৰ আৰৰ ৰহস্য পোহৰলৈ আহিব ৷

আৰু পঢ়ক: অৰুণাচলত আছাম ৰাইফলছৰ গুলীত নিহত NSCN (R)ৰ কেডাৰ