কৰিমগঞ্জত সীমান্ত সুৰক্ষা বাহিনীৰ বাহন আৰু টেংকাৰ মাজত মুখামুখি সংঘৰ্ষ

কৰিমগঞ্জৰ শ্ৰীগৌৰি বজাৰত এক ভয়ংকৰ পথ দুৰ্ঘটনা সংঘটিত হৈছে ৷ সীমান্ত সুৰক্ষা বাহিনী আৰু টেংকাৰ মাজত মুখামখি হোৱাৰ ফলতে এই দুৰ্ঘটনাটো সংঘটিত হোৱা বুলি জানিব পৰা গৈছে ৷ আনহাতে দুৰ্ঘটনাটোৰ ফলত পাঁচজনকৈ ব্যক্তি গুৰুতৰভাৱে আহত হৈছে ৷

কৰিমগঞ্জ, 4ছেপ্তেম্বৰ:কৰিমগঞ্জৰ শ্ৰীগৌৰি বজাৰত শনিবাৰে পুৱাৰ ভাগতে এক ভয়ংকৰ পথ দুৰ্ঘটনা সংঘটিত হৈছে ৷ পথ দুৰ্ঘটনাটোৰ ফলত কফমপি প্ৰাণ ৰক্ষা পৰিছে কেইবাজনো সীমান্ত সুৰক্ষা বাহিনী জোৱানৰ ৷

উল্লেখযোগ্য যে, শ্ৰীগৌৰিত টেংকাৰ আৰু সীমান্ত সুৰক্ষা বাহিনী ট্ৰাকৰ মাজত মুখামুখি সংৰ্ঘষ হোৱাৰ ফলতে এই ভয়ংকৰ দুৰ্ঘটনাটো সংঘটিত হৈছে ৷ ইপিনে দুৰ্ঘটনাটো সংঘটিত হোৱাৰ পিচতো দীৰ্ঘ সময় ধৰি সীমান্ত সুৰক্ষা বাহিনীৰ ট্ৰাক চালকজন বাহনখনৰ ভিতৰতে আৱদ্ধ হৈ আছিল ৷ পৰৱৰ্তী সময়ত ঘটনাস্থলীত SDRF বাহিনী উপস্থিত হৈ সীমান্ত সুৰক্ষাৰ বাহিনীত বাহনত আৱদ্ধ হৈ থকা চালকজনক উদ্ধাৰ কৰে ৷

লগতে পঢ়কঃ শ্যামা প্ৰসাদ মূখাৰ্জী ৰুৰবান মিছনৰ অধীনত 500 বিঘা ভূমিত নেমু খেতি

জানিব পৰা মতে, দুৰ্ঘটনাটোৰ ফলত দুয়োখন বাহনত থকা পাঁচজনকৈ ব্যক্তি গুৰুতৰভাৱে আহত হৈছে ৷ সেই অনুসৰি সীমান্ত সুৰক্ষা বাহিনীৰ তিনিজন জোৱান আৰু টেংকাৰ খনৰ চালক আৰু হেন্ডিমেন আহত হৈছে ৷ অসম-ত্ৰিপুৰা সংযোগী আঠ নং ৰাষ্ট্ৰীয় ঘাইপথত মুখামুখি সংঘৰ্ষ হৈছেলি এই দুয়োখন বাহন ৷

আহত হোৱা সীমান্ত সুৰক্ষা বাহিনীৰ জোৱান কেইজন BSFৰ 01BN ৰ আছিল ৷ দুঘটনাটোত আহত হোৱা জোৱান তিনিজন হৈছে ধৰমেন্দৰ সিং, ৰাম ধ্যান কুমাৰ, অজয় নানক ৷

একেদৰে আহত টেংকাৰ চালক জনৰ নাম হৈছে ৰাজু সিং আৰু হেন্ডিমেন জন হৈছে ভদ্ৰসেনা সিং ৷ সম্প্ৰতি আহত আটাই কেইগৰাকী ব্যক্তিক শ্ৰীগৌৰি প্ৰাথমিক চিকিৎসালয়ত ভৰ্তি কৰোৱা হৈছিল যদিও স্বাস্থ্যৰ অৱস্থা সংকটজনক হোৱাৰ বাবে পৰৱৰ্তী সময়ত শিলচৰ মেডিকেল কলেজ চিকিৎসালয়লৈ প্ৰেৰণ কৰে ৷

লগতে পঢ়কঃ সেনা বাহিনীত যোগদানৰ বাবে বাক্সাত যুৱক-যুৱতীক প্ৰশিক্ষণ প্ৰদান