বদৰপুৰত পথ দুৰ্ঘটনা

শনিবাৰে বদৰপুৰত সংঘটিত হয় এক ভয়াৱহ পথ দুৰ্ঘটনা ৷

বদৰপুৰ,11 আগষ্ট: অবৈধ ভাৱে ৰাষ্ট্ৰীয় ঘাইপথত ট্ৰাক পাৰ্কিঙৰ বাবে শ্ৰীগৌৰিত সংঘটিত হয় পথ দুৰ্ঘটনা ৷ ছয় নং ৰাষ্ট্ৰীয় ঘাইপথৰ দাঁতিত অবৈধ ভাৱে ট্ৰাকৰ লগতে যান বাহনসমূহ পাৰ্কিঙৰ ফলত দুৰ্ঘটনাটো সংঘটিত হয় ৷

শনিবাৰে নিশা এঘাৰ বজাত শিলচৰৰ পৰা অহা এখন যাত্ৰীবাহী ভেন কৰিমগঞ্জৰ দিশে যোৱাৰ সময়ত শ্ৰীগৌৰি এলেকাত ৰাষ্ট্ৰীয় ঘাইপথৰ দাঁতিত ৰখাই থোৱা ট্ৰাকত পিছফালৰ পৰা সজোৰে খুন্দা মৰাৰ ফলত সংঘটিত হয় এই দুৰ্ঘটনাটো ৷ ইয়াৰ ফলত ভেন খনত থকা তিনি জন যাত্ৰীসহ চালকৰ অৱস্থা সংকটজনক হয়। স্থানীয় ৰাইজৰ তৎপৰতাত যাত্ৰী সকলক উদ্ধাৰ কৰি শ্ৰীগৌৰি হাস্পতাললৈ প্ৰেৰণ কৰে ৷