ট্ৰাকৰ খুন্দাত নিহত পাথাৰকান্দিৰ অষ্টম শ্ৰেণীৰ ছাত্ৰ

টিউশ্যন কৰি আহি থকাৰ অৱস্থাত সংঘটিত হয় দুৰ্ঘটনাটো ৷ তেলৰ টেংকাৰৰ খুন্দাত থিতাতে নিহত হয় অভয় তাঁতী ৷

কৰিমগঞ্জ, 29 মে’: অসম ত্ৰিপুৰা সংযোগী 4 নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা ৷ বুধবাৰে সন্ধিয়া চাইকেলৰে টিউশ্যনৰ পৰা আহি থকা অৱস্থাত পাথাৰকান্দিৰ হৰিবাসৰ অঞ্চলত দুৰ্ঘটনাত পতিত হয় দুই ককাই-ভাই ৷ বিপৰীত দিশৰ পৰা অহা TR05 B1577 নম্বৰৰ তেল ভৰ্তি টেংকাৰৰ খুন্দাত থিতাতে নিহত হয় অভয় তাঁতী নামৰ অষ্টম ছাত্ৰগৰাকী ৷ লগতে গুৰুতৰভাৱে আহত হয় ভাতৃ অমিত তাঁতীও ৷

ঘটনাক কেন্দ্ৰ কৰি পৰিস্থিতি অধিক উত্তপ্ত হৈ পৰাত অৱশেষত আৰক্ষী উপস্থিত হৈ নিয়ন্ত্ৰণ কৰে পৰিস্থিতি ৷