বিজেপিৰ মন্ত্ৰী-বিধায়কৰ বিৰুদ্ধে আক্ৰমণাত্মক প্ৰাক্তন কংগ্ৰেছী মন্ত্ৰী ছিদ্দিক আহমেদ

"উচ্চতম ন্যায়ালয়ৰ বিৰুদ্ধে মাত মতা বিজেপিৰ মন্ত্ৰী-বিধায়কৰ বিৰুদ্ধে দেশদ্ৰোহীতাৰ গোচৰ তৰি এওঁলোকক জেলত ভৰাব লাগে" ।  বিজেপিৰ মন্ত্ৰী-বিধায়কৰ  বিৰুদ্ধে আক্ৰমণাত্মক মন্তব্য  প্ৰাক্তন মন্ত্ৰী ছিদ্দিক আহমেদৰ   ৷

কৰিমগঞ্জ, 8 ছেপ্টেম্বৰঃ"উচ্চতম ন্যায়ালয়ৰ বিৰুদ্ধে মাত মতা বিজেপিৰ মন্ত্ৰী-বিধায়কৰ বিৰুদ্ধে দেশদ্ৰোহীতাৰ গোচৰ তৰি এওঁলোকক জেলত ভৰাব লাগে" । বিজেপিৰ মন্ত্ৰী-বিধায়কৰ বিৰুদ্ধে আক্ৰমণাত্মক মন্তব্য প্ৰাক্তন মন্ত্ৰী ছিদ্দিক আহমেদৰ ৷

বহু প্ৰত্যাশিত ৰাষ্ট্ৰীয় নাগৰিক পঞ্জী খনৰ চূড়ান্ত তালিকা প্ৰকাশ পোৱাৰ পাচতে এনআৰচিক লৈ বিভিন্ন জনে বিভিন্ন মন্তব্য তথা প্ৰতিক্ৰিয়া আগবঢ়াইছে৷ এনআৰচিৰ প্ৰসংগত কোনোৱে যদি সন্তুষ্টি প্ৰকাশ কৰিছে তেন্তে আন কোনোৱে আকৌ চৰম অসন্তুষ্টি প্ৰকাশ কৰিছে৷ তেনে সময়তে প্ৰাক্তন কংগ্ৰেছী মন্ত্ৰী ছিদ্দিক আহমেদে এন আৰচিৰ প্ৰসংগত প্ৰতিক্ৰিয়া ব্যক্ত কৰি কয়,কংগ্ৰেছে যেতিয়া প্ৰতীক হাজেলাৰ বিৰুদ্ধে মাত মাতিছিল, তেতিয়া বিজেপিৰ একাংশ মন্ত্ৰী-বিধায়ক হাজেলাৰ হৈ থিয় দিছিল । কিন্তু আজিৰ তাৰিখত সেই সকল মন্ত্ৰী-বিধায়ক সকলে প্ৰতীক হাজেলাৰ বিৰুদ্ধে মাত মাতিছে, আনকি উচ্চতম ন্যায়ালয়ৰ বিৰুদ্ধে মাত মাতিছে । লগতে তেওঁ কয় যে মহামান্য আদালতৰ বিৰুদ্ধে মাত মতা সকলৰ বিৰুদ্ধে দেশদ্ৰোহী গোচৰ নথিভুক্ত কৰি এওঁলোকক জেলত ভৰাব লাগে৷ আনহাতে 7 তাৰিখে এনআৰচিৰ সম্পূৰ্ণ তালিকা প্ৰকাশ পোৱাৰ কথা আছিল যদিও এনআৰচিৰ সমন্বয়ক প্ৰতীক হাজেলা ৰহস্যজনকভাৱে ব্যৰ্থ হোৱা বুলি কয় প্ৰাক্তন মন্ত্ৰীজনে । তেওঁ কয় যে মুছলিম সম্প্ৰদায়ৰ লোক সকলে স্বাধীনতা আন্দোলনত সকলোতকৈ অধিক আত্মবলিদান দিছিল । গতিকে এওঁলোকক কোন দেশলৈ প্ৰেৰণ কৰা হ'ব সেয়া আগতে ঠিক কৰিব লাগে । ইয়াৰোপৰিও প্ৰাক্তন মন্ত্ৰী গৰাকীয়ে বিজেপিৰ নেতা মন্ত্ৰী সকলৰ সাম্প্ৰদায়িক মন্তব্যৰ বিৰুদ্ধে মুছলিম সংগঠন সমূহক থিয় দিয়াৰ আহ্বান জনাইছে৷