কৰিমগঞ্জ,10নৱেম্বৰঃকৰিমগঞ্জৰ ৰাতাবাৰীত মঙলবাৰে সংঘটিত এক ভয়ংকৰ পথ দুৰ্ঘটনা ৷ ৰাতাবাৰীৰ মুল্লাখাল এলেকাত অ'টো ৰিক্সাৰ খুন্দাত গুৰুতৰভাৱে আহত হয় এটি কণমানি শিশু । জানিব পৰা মতে, 6বছৰীয়া কণমানি শিশুটি পথৰ কাষত থিয় হৈ থকা অৱস্থাত AS-10AC1185 নম্বৰৰ এখন অ'টো ৰিক্সাই অ'ভাৰটেক কৰিবলৈ গৈ শিশুটিক খুন্দা মাৰে । যাৰ ফলত আহত হ'বলগীয়া হয় কণমানি শিশুটি ।
ইপিনে,প্ৰথম অৱস্থাত শিশুটিক ৰাতাবাৰী প্ৰাথমিক চিকিৎসালয়লৈ লৈ যোৱা হৈছিল যদিও শিশুটিৰ অৱস্থা সংকটজনক হোৱাৰ বাবে প্ৰেৰণ কৰা হয় শিলচৰ মেডিকেল কলেজ হাস্পিতাললৈ । আনহাতে, এই পথ দুৰ্ঘটনাক কেন্দ্ৰ কৰি ঘটনাস্থলীত এক উত্তেজনাময় পৰিৱেশৰ সৃষ্টি হয় ৷