কৰিমগঞ্জ, ৭ ডিচেম্বৰ: দিল্লীৰ কৃষক বিদ্ৰোহৰ প্ৰতি সমৰ্থন আগবঢ়াই কৃষি আইন বাতিলৰ দাবী জনাই আহিছে অসমৰ কৃষক সমাজ আৰু জাতীয় দল-সংগঠনে । সমান্তৰালকৈ অহা ৮ ডিচেম্বৰত আহ্বান জনোৱা ভাৰত বন্ধৰ প্ৰতিও পূৰ্ণ সমৰ্থন আগবঢ়াইছে ।
সোমবাৰে কৰিমগঞ্জত ভাৰত বন্ধৰ সমৰ্থনত এক বিশাল সমদল উলিয়ায় ৬টাকৈ সংগঠনে । চৰকাৰী বিৰোধী ধ্বনিৰে ৰাজপথ উত্তাল কৰি তোলে প্ৰতিবাদকাৰী সকলে । শীঘ্ৰে কৃষক বিৰোধী আইন বাতিল কৰিবলৈ দাবী জনায় সংগঠনকেইটাই । অন্যথা সমগ্ৰ আন্দোলন তীব্ৰতৰ কৰাৰ হুংকাৰ দিয়ে । উল্লেখ্য যে, কৃষক সংগঠনৰ সৈতে কেন্দ্ৰীয় চৰকাৰৰ মন্ত্ৰীয়ে এখনৰ পিছত আনখন বৈঠকত মিলিত হোৱাৰ পিছতো কৃষকসকলৰ সমস্যাৰ সমাধান উলিয়াব পৰা নাই ।