কৰিমগঞ্জ, 10 ছেপ্তেম্বৰ: শেহতীয়াকৈ সম্পন্ন হোৱা বিধানসভাৰ গ্ৰীষ্মকালিন অধিৱেশনত সংখ্যালঘু ছাত্ৰবৃত্তিৰ নামত হোৱা অনিয়মৰ বিৰুদ্ধে গোচৰ ৰুজু কৰা হৈছে বুলি উল্লেখ কৰিছিল মন্ত্ৰী ৰঞ্জিৎ দত্তই ৷ কিন্তু তেওঁৰ সেই ভাষ্য সম্পূৰ্ণ মিছা বুলি অভিযোগ উত্থাপন কৰিছে কৰিমগঞ্জ জিলা কৃষক মুক্তি সংগ্ৰাম সমিতিয়ে ৷
কৰিমগঞ্জৰ কৃষক নেতা সকলে উল্লেখ কৰা অনুসৰি, সংখ্যালঘু ছাত্ৰবৃত্তিৰ নামত হোৱা অনিয়মৰ বিৰুদ্ধে কৰিমগঞ্জ থানাত সংগঠনটোৱেহে গোচৰ ৰুজু কৰিছে ৷ মন্ত্ৰী ৰঞ্জিৎ দত্ত বা চৰকাৰৰ তৰফৰ পৰা কোনো ধৰণৰ গোচৰ ৰুজু কৰা নাই ৷ যাৰ বাবে মন্ত্ৰী গৰাকীয়ে বিধানসভাত দিয়া ভাষণ মিছা বুলি ক্ষোভ উজাৰে সংগঠনটোৰ একাংশ নেতা, কৰ্মচাৰীয়ে ৷ বুধবাৰে কৰিমগঞ্জত জিলা কৃষক মুক্তি সংগ্ৰাম সমিতিয়ে মন্ত্ৰী ৰঞ্জিৎ দত্তৰ পুত্তলিকা দাহ কৰি প্ৰতিবাদ সাব্যস্ত কৰে ৷ উল্লেখ্য যে ছাত্ৰবৃত্তিৰ নামত হোৱা অনিয়মৰ বিৰুদ্ধে ৰাজ্যৰ ভিন্ন থানাত পৃথকে পৃথকে গোচৰ ৰুজু কৰা হৈছে যদিও, এই পৰ্যন্ত আৰক্ষীয়ে বিষয় সন্দৰ্ভত কোনো ধৰণৰ ব্যৱস্থা গ্ৰহণ নকৰাৰ অভিযোগ উত্থাপন হৈছে ৷
লগতে পঢ়ক:মাতাল যুৱকে অপদস্থ কৰিলে ক’ভিড চেন্টাৰৰ স্বাস্থ্য কৰ্মীক
