কৰিমগঞ্জ,5 ডিচেম্বৰ: শৰীৰ চৰ্চা এতিয়া একাংশ যুৱ প্ৰজন্মৰ মাজত যথেষ্ট জনপ্ৰিয় ৷ শৰীৰ চৰ্চা কেৱল চহৰাঞ্চলতে সীমাবদ্ধ নহয়, গাঁওসমূহতো ইয়াৰ সমানে প্ৰভাৱ পৰিলক্ষিত হয় ৷ পাথাৰকান্দি বিধানসভা সমষ্টিৰ অন্তৰ্গত নালুগাঁৱৰ যুৱক বিপ্লৱ সিনহাই ইয়াৰ প্ৰমাণ দাঙি ধৰে ।
উল্লেখ্য যে, বিগত ২৮ নৱেম্বৰত গুৱাহাটীৰ গণেষপাৰাত অনুষ্ঠিত হৈছিল 'মিষ্টাৰ কামৰূপ 2020'ৰ প্ৰতিযোগিতা, য'ত ৰাজ্যৰ বিভিন্ন প্ৰান্তৰ শৰীৰ চৰ্চাবিদে অংশ গ্ৰহণ কৰে । এই প্ৰতিযোগীসকলৰ ভিতৰত 70 কেজিৰ বিভাগত স্বৰ্ণ পদক লাভ কৰি মিষ্টাৰ কামৰূপৰ খিতাপ জয় কৰিবলৈ সক্ষম হয় নলুগাঁৱৰ যুৱক বিপ্লৱ সিনহাই ।