এখন বিয়া আৰু সাংসদ-বিধায়কৰ বেণ্ড পাৰ্টী

বেণ্ড পাৰ্টীত বাদ্যযন্ত্ৰীৰ ৰূপত এজন বিধায়ক আৰু এজন সাংসদ ৷ নাচি-বাগি মনোৰঞ্জন কৰা দেখা গ'ল কৰিমগঞ্জৰ সাংসদ কৃপানাথ মাল্লাহ আৰু পাথাৰকান্দিৰ বিধায়ক কৃষ্ণেন্দু পালক ৷

কৰিমগঞ্জ, জুলাই 13 :এইবাৰ বিয়াৰ বেণ্ড পাৰ্টীত বাদ্যযন্ত্ৰীৰ ৰূপত এজন বিধায়ক আৰু এজন সাংসদ ৷ কৰিমগঞ্জত শুকুৰবাৰে নিশা এগৰাকী বিজেপি কৰ্মীৰ ভগ্নীৰ বিয়াত এইদৰে বেণ্ড বজাই নাচি-বাগি মনোৰঞ্জন কৰা দেখা গ'ল কৰিমগঞ্জৰ সাংসদ কৃপানাথ মাল্লাহ আৰু পাথাৰকান্দিৰ বিধায়ক কৃষ্ণেন্দু পালক ৷ বিধায়ক কৃষ্ণেন্দু পালে ঢোল বজাবলৈ লৈ বজাব নোৱাৰি দিলে আন এজনক। পিছে সাংসদ কৃপানাথ মাল্লাই দেখুৱাই দিলে নিজৰ প্ৰতিভা। এবাৰ যদি ঢোল বজাই সকলোকে নাচিবলৈ বাধ্য কৰাইছে,তেন্তে আন এবাৰ বজাইছে আকৌ আন বেলেগ বাদ্য যন্ত্ৰ। বিধায়ক আৰু সাংসদৰ এই ভিডিও চ'ছিয়েল মিডিয়াত ভাইৰেল হোৱাৰ পিচত সৰ্বত্ৰে চৰ্চিত হৈ পৰিছে ৷ জনসাধাৰণ বিভিন্ন সমস্যাত জৰ্জৰিত হৈ থকাৰ সময়তে জনপ্ৰতিনিধি নাচি বাগি ব্যস্ত হৈ থকাক লৈ সমালোচনাও কৰিছে বিভিন্নজনে ।